[轉場] 秀茂坪街市

上次講到袁太屋企附近街市要裝修 , 要轉場搵第二區街市買餸 , 大家可能會問 , 住個區沒有第二個街市嗎 ??? 其實上面條邨還有一個街市 , 只不過唔多野賣 , 袁太唔喜歡行呢個街市呢 ......

[太突然] 安室奈美惠來年9月引退

安室奈美惠 , 唔知大家對安室的認識多唔多 ??? 袁太唯一的偶像就係安室 , 由1996年開始已經喜歡到而家 , 喜歡她對舞蹈的熱誠 , 喜歡她唱的歌 , 可惜昨日突然宣佈下年引退 , 呢個消息對袁太黎講實在太突然又傷心 



昨日只係安室的40歲的生日 , 本應係開心事 , 點會聯想到會係生日的日子宣佈引退 , 到現時為止 , 袁太還未接受到呢個消息下年會變成事實 , 不過最終決定係安室本人 , 我地做歌迷既雖然唔捨得 , 但點都會尊重呢個決定 , 只要安室在引退後開心便可 ^^

大年初三之忙碌煮食篇

今日話咁快已經係年初三 , 袁太同大家說聲唔好意思

因為前排太忙又多飯局

所以要到今日先可以透Blogspot同大家拜年 ......

[1.27] 豬豬離開我們一年了

 

上年2015年1月27日早上9:37分係袁太發現豬豬在睡夢中

已經沒有心跳靜俏俏地離開了的時間 ......

[10.10] 結婚五週年

轉眼間 , 袁生袁太結婚已有五年了

五年的時間話長唔長 , 話短唔短

我們依然久唔久就嘈下交 , 你罵下我 , 我打下你咁

都沒有太大改變

或者這就是我們的相處方式

希望從今以後我們依然恩恩愛愛 , 一起慶祝以後的結婚紀念日

老公 "我愛你呢" , 嫁左俾你我覺得好幸福 , 好感恩

不過你都唔差 , 娶到我你仲幸福

養到你肥肥白白 , 幸福到好過中六合彩 ~哈 ... ~

休閒的一天 @ 2014.12.12

昨日袁生袁太放下手頭上的工作

同我家豬豬 book 左去寵物店沖涼 , 由於 book 左最早時間的關係

一早已經到達寵物店門口

不過只可惜還未開門 , 唯有等待吧

等待的時候 , 偷影袁生一幅相先 , 袋中的BB應該睡著了 ......

重量級健康早餐

今日天氣持續落大雨 , 清晨六點幾俾雷聲弄醒

醒了又訓不到 , 其實因為腰背痛得好利害所致

見身旁的袁生同床尾的BB依然熟睡中 Zzz ......

為免嘈醒他們 , 在廳中看下電視上下網咁

[早餐之選] 濃蕃茄餐蛋通粉

 

唔知大家有冇去過中環好出名個間大排檔食蕃茄牛肉通呢

其實袁太一直都好想去

但可惜袁生係一個唔愛蕃茄的人 , 叫佢搭車陪我去食當然係妙想天開

[簡單方便午餐] 火腿絲腸仔太陽蛋一丁麵

呢兩日簡直超夜訓 , 大家唔好以為袁太有好多節目

只不過係屋企hea下 , 睇下電視 , 上下網 , 唔經唔覺都去到凌晨四點幾

以往假期我一定會落街買早餐

但朝早實在訓到不醒一事 , 起床的時候已經日上三竿了

天氣又落下毛毛雨 , 風亦都頗大 , 更加想懶床唔起身呢

就算不願起床 , 都要吃東西 , 晚餐的材料可以晏d先去買

但午餐又怎麼辦好呢 ???

好簡單姐 , 只要家中有一丁麵就已經足夠了

不過家中只有豬骨味 , 沒有我至愛的麻油味 >< (但豬骨味都好味道呢^^)

隨便開雪櫃 , 有雞蛋 , 有腸仔 , 還有火腿 , 只欠缺午餐肉

想為一碗麵加材料完全沒有難度

同袁生一人一碗 , 食完再去攪攪豬

咁多位 , 袁太又要眠一眠先 , 早抖 , 明天見

元旦日之一家人BBQ (媽咪生日)

2014到了，首先袁太同大家說聲"Happy New Year" 

大家除夕有冇出街倒數呢 ???  

街上實在太多人了，唔係太喜愛多人地方的我們當然留在家睇電視倒數迎新年 

何況每年12月31日我都會好忙，因為袁太媽咪係1月1日生日 

所以每年元旦日都係娘家的BBQ DAY 

同以往一樣都去將軍澳某私人屋苑會所燒烤 

而每年都由袁太負責飲品，媽咪負責醃肉 

家姐負責買其他燒烤食物同用品 

所以每年31號的夜晚我煲飲品都用左唔少時間呢。

12.06 袁太生日太快樂

12.06係一個大日子，唔係相識週年，唔係結婚週年，而係袁太的生日呀~~~雖然又大一歲，但點都要慶祝下，今年同往年一樣照舊去食宵夜自助餐 

 

杏汁雪耳芝麻湯丸 <附食譜>

大家中秋節過得高唔高興，開唔開心呢，我同袁生就平凡中度過，只係番左娘家吃飯，同奶奶老爺食下飯咁，都冇咩特別，因為袁生呢幾日好似想作病，都係早少少回家休息好D，始終家中還有老狗BB，無理由要BB一支公係屋企做悶悶豬，佢今年已經冇月餅食好可憐架喇，因為袁太唔得閒整，又唔記得左去訂狗狗月餅，所以 ...

好喇，唔知大家中秋的時候有冇食湯丸的習慣呢 ???

袁太年年都有食架，所以今年亦唔例外，仲記得上年整左南瓜湯丸同綠茶湯丸，袁生好似唔係太喜愛，都係整番普通的芝麻湯丸穩陣D，但又唔想用片糖或冰糖煮，太過單調，就決定整個杏汁底，再加潤潤的雪耳，好味道呢

袁生一向好喜愛杏汁，所以呢個甜品湯丸當然合格兼過關 !

窩心的一碗麵

今日又OT，又成八點幾先收工，日日OT真係人都顛，已經疲倦到唔想煮飯了，求求其其食個公仔麵算數，但番到屋企已經唔想郁，當時由於袁生話未肚餓，所以我就選擇眠一眠，諗住訓30分鐘先起身煮野食，點知 ...

袁生叫我起身的時候已是晚上差不多10:30，我立刻彈起身，大叫 ~死喇，咁夜喇，我而家去煮麵，好快有得食架喇~

袁生話 : 唔駛喇，唔駛煮喇

初時以為袁生自己落街食左野所以先唔駛我煮，但原來 ...

飯枱上有一碗麵，麵上有榨菜，八爪魚腸仔同心型太陽蛋，原來袁生入廚房煮俾我食，雖然只係簡簡單單的一碗麵，但我已經覺得好窩心，而且袁生將腸仔整成八爪魚型，太陽蛋整成心型，真係好有心思呢 ! 

另外袁生仲買左我至愛的紫米紅豆奶茶俾我，多謝老公

好唔開心 ...

今日係9月1日，除左學生哥準備開學，亦都係袁生袁太拍拖14週年的日子

雖然結左婚，但婚後每年都依舊會慶祝，不過今年就 ...

我知袁生最近因為工作上的問題導致心情唔好多，所以我都諗住後補慶祝日子

係屋企簡簡單單煮餐家常便飯，煲個老火湯俾袁生下火

我已經成個幾星期冇煲湯俾佢飲喇，點知下午時份我同袁生講落街買餸

佢就好大聲說"又煮，落街食喇"，咁唔煮都煲啖湯俾你飲喇

"又煲，我唔飲呀"，頂 ... 究竟我做錯D咩 ???

我知你心情唔好，但都唔駛搵我出氣掛，我當時真係好傷心

仲不經不覺喊左出來，我就一支箭咁出左門口，因為我覺得我需要冷靜

冷靜完番屋企，袁生依然係咁，跟住大家嘈左場大交

後來發覺原來袁生根本唔記得今日係咩日子，但當佢知道後都冇咩表示

袁太其實唔太想係呢個平台分享太私人的事，但無奈我真係要搵地方發洩

希望大家唔好見怪

到現在我同袁生都未同大家講過一句說話，估唔到今年的週年紀念會過得咁特別

下個月就係袁生袁太結婚三週年，唔知會唔會有四，五，六，七，八年的出現 ???

要大家係度睇袁太發牢騷，真係唔好意思 !

新平台，新開始

突如其來知道Yahoo blog要close了

跌落谷底的心情之下仍然要找新地方搬家

袁太在facebook開左新page之餘

仲係blogspot開左新平台，雖然感覺總是怪怪的

畢竟在Yahoo blog已有6年多時間了

亦同好多Blog友分享過不少生活點滴，烹飪知識及問題

不過最擔心的是一向在Yahoo blog的blog友們

袁太驚驚會同大家失去聯絡 >_<

希望大家會跟住我來到這個新平台，繼續支持袁太喎

而我亦會再這個新平台同大家再分享日常生活點滴

當然唔少得最重要的烹飪心得 ^^

關閉 ???

點解 ... 突然話關閉就關閉 ???

袁太寫左Blog咁多年，已經成為日常生活必做的事

何況係Blog識到一些志同道合的朋友仔，我真係唔想同大家分開

我總覺得就算搬左去新平台，留言同朋友統統都會不見了，現在心情已跌落谷底，灰爆！

袁生傑作

袁太呢幾日簡直頭痛都不得了，所以唔係好想出食譜，就決定Post其他類別話題

唔知大家第一眼睇張相有沒有特別感覺呢 ???

我的意思係大家覺得兩幅圖似唔似樣呢，大家千其唔好以為係袁太畫，我邊有可能畫得咁靚，其實呢幅圖係袁生畫架，袁生繪圖一向都有番咁上下，好似袁太廚房Blog咁，個Blog的icon圖同背景的袁太Q版圖都係出自袁生手筆

因為我同袁生都喜愛BB呢張相，所以佢放假的時候見得閒，只係用左約2小時就畫好了，袁生好滿意，而我亦都好滿意，我會俾200分，100分係袁生畫功，100分係相片中的模特兒BB喇，相中的BB俾我用毛巾綁住對手，大家唔好覺得係袁太虐待BB喎，係因為BB隻眼發炎，要滴眼藥水，但又唔聽話，成日想掂隻眼仔，所以我咪用毛巾綁住隻手囉

袁生知我會Post張相上Blog，叫我問下其他Blog友覺得佢畫呢幅圖靚唔靚，似唔似喎 !

第十四個情人節

又到一年一度的情人節，天下間所有的老公或男朋友係咪係度煩惱送咩禮物俾心愛的人呢 ???
至於我屋企個位袁生就完全沒有呢個煩惱，講真，大家一齊左咁多年，起初拍拖頭兩三年都會送下禮物仔，但拍拖時間越耐，袁太就覺得唔需要咁刻意係呢個日子送禮物

何況我係一個唔鐘意收花，唔鐘意係街拎住扎花周圍行的人，只要大家相處開心就可以，我係咪好易滿足呢，好喇，適逢今日係情人節，袁太想係Blog平台同大家分享我同袁生的感情事，希望唔會悶親大家

**************************************************************

係1999年某一日袁生袁太初次見面，當時袁生唔知係咪已經對我動心呢，隔幾日就對我展開追求，當時只有十幾歲的我諗左幾分鐘就應承做袁生的女朋友，可能因為恨拍拖掛

當時亦都冇諗過會同袁生拍咁多年拖，仲結埋婚添，其實拍拖十幾年裡面都嘈過唔少交，甚至有幾次仲分埋手，不過隔幾日又好自然係番埋一齊，漸漸就覺得對方已經係自己生活的其中一部份，唔見面唔慣，唔傾電話唔慣，唔一齊食飯又唔慣，總知就大鑊

**************************************************************

到左2001年拍拖兩年幾，同袁生行街街經過寵物店，就毫不猶疑買左當時只有三個月的狗仔回家，就係而家11歲的BB，BB三個月大的時候係咪好可愛呢

到2007年因為BB做完手術要照顧的關係，袁生袁太就開始同居的生活，袁太成日聽人講，如果男女朋友同居就好快分手，因為住埋一齊之後，大家的生活習慣一定有唔同，但我又覺得冇咩問題發生喎，反而好享受同居的感覺

**************************************************************

但同居時間耐又會諗結婚，話晒都一齊左十幾年，事問有邊個女仔唔想結婚呢，適逢2010年有個好日子，所以我們就決定結婚，決定結婚的時候，到定埋婚期

其實只有半年時間籌備，但都好彩，有好多人俾意見同幫我手

婚禮終於係2010年10月10日(十全十美)的日子同袁生結束11年愛情長跑成為夫婦

 

而袁太下個目標係希望為袁生生個B，希望今年會實現喇

**************************************************************

大家睇完以上文章有冇訓著左呢 ???

雖然袁生袁太的愛情唔屬於刻骨銘心，但我好慶幸搵到袁生呢個好老公 !