[經典小食] 咖哩魚蛋

天氣凍自然就想吃辣物 , 咖哩呀~~泡菜呀~永遠係袁生袁太的最愛 , 本來想整泡菜鍋配烏冬 , 後來經過街市豆腐店見陳皮魚蛋剛到貨 , 就心血來潮又想製作咖哩魚蛋 , 呢款街頭小食永遠百食不厭 , 不過袁太製作咖哩魚蛋當然唔會依賴坊間一樽樽或一包包的現成醬 , 會自己調較咖哩汁製作 ......

足料碗仔翅

講開香港地道小食 , 除左之前上傳過的咖哩魚蛋外 , 碗仔翅亦係袁生袁太最喜歡的地道小食之一 , 不過而家出面一碗的價錢都唔便宜 , 而且冇咩料 , 何況街的一般都會加雞湯煮 , 大家都知袁太而家唔食得雞 , 所以雞湯絕對唔用得 ......

蠔油魚蛋配咖哩辣醬

袁太突然醒起 , 以前細個去小食店買魚蛋 , 因袁太喜愛辣 , 但姐姐不食辣 , 每次都要老闆分開兩袋 , 一袋辣 , 一袋唔辣 , 亦曾經俾老闆話~放埋一袋喇 , 都係沾到少少辣姐~ , 哈 ... 又或者可能袁太實在太愛辣 , 所以在家自製魚蛋 , 一定整咖哩味 ......

[街頭小食] 片糖煨蕃薯

又黎焗爐食譜 , 由細到大袁太都好鐘意食煨蕃薯 , 當秋涼或天氣凍到震的時候 , 屋企附近總有一檔流動煨蕃薯 , 不過買一條都要成廿幾蚊 , 真係好點兒貴喎 , 其實大家有冇想過 , 自己在家動手都可以整到好味的煨蕃薯 ???

港式牛油皮蛋撻

蛋撻係香港的經典食物 , 相信好多香港人都愛吃 , 袁生袁太亦不例外 , 不過袁生比較喜愛酥皮 , 而袁太就比較喜愛傳統的牛油皮 , 印象中好似好耐冇食過蛋撻 , 所以前排見有時間就整蛋撻做下午茶 , 唔知袁生會否愛牛油皮呢 ......

韭菜蘿蔔豬紅

有時經過街市見到韭菜豬紅豬腸 , 都好有衝動想買番碗黎食下 , 不過袁生成日話出面街既乾唔乾淨架 ??? 豬腸又洗得乾唔乾淨架 ??? 聽到佢呢一大堆的疑問 , 都攪到我冇晒興趣唔想買呢 ......

砵仔糕

對我來說 ... 砵仔糕都算係香港的經典小食之一 , 以前讀書的時候(當然係廚藝差到死的時候) , 整過一次 , 個次當然係失敗 , 自此想食都會係街買 , 因為街買的砵仔糕都好平 , 之但係砵仔糕呢樣野 , 我同袁生都係完全唔夾 ......

[經典小食 , 派對小食] 咖哩三寶 (魚蛋 , 牛栢葉 , 魷魚)

又係繼續同大家分享為朋友家炮製的派對小食 , 上次就同大家分享左金金黃黃圓碌碌的炸薯波後 , 今次就同大家分享經典地道的香港小食 ~咖哩三寶~ ......

煎釀六寶

昨日去街市買餸經過小食店

剛剛出爐的煎釀三寶熱辣辣 , 好似向我招手叫我買它回去呢

但我平時唔多會買

雞絲碗仔翅 + 煎釀多寶 <附食譜>

~叮~叮~叮~又到街頭小食時間 ...

香港有好多出名的街頭小食，碗仔翅同煎釀三寶大部份人都會喜歡，雖然係市面上食會有風味多一些，但自己係屋企整都可以好好味，袁太的碗仔翅落足材料，有木耳，雞絲，甘旬絲，冬菇絲，粉絲 ...... 係咪好足料呢

另外煎釀寶寶都唔執輸架，有新鮮熱辣的煎釀多寶，有豆腐，青椒，紅腸，白茄子，冬菇同有用鯪魚肉整出來的炸魚蛋，袁生覺得自家製的煎釀寶寶好味D，因冇在街上買的咁油膩 !