韭菜蘿蔔豬紅

有時經過街市見到韭菜豬紅豬腸 , 都好有衝動想買番碗黎食下 , 不過袁生成日話出面街既乾唔乾淨架 ??? 豬腸又洗得乾唔乾淨架 ??? 聽到佢呢一大堆的疑問 , 都攪到我冇晒興趣唔想買呢 ......



"韭菜豬紅"對我來說都屬於香港的地道小食 , 仲記得細個的時候每次跟家人去大排檔食晚飯 , 必定會點韮菜豬紅加碗白粥 , 我就最愛吃豬紅 , 不過現在的大排檔已經買少見少 , 街買的又未必一定好味 , 所以最穩陣 , 而且最適合自己的味道當然係自家製吧 , 去街市買一條白蘿蔔只係$4大洋 , 韮菜就買左5蚊 , 豬紅買左1/2斤 , 承為8蚊 , 絕對價錢便宜又美味的食物



大家都知袁生最愛食辣(袁太都一樣喜歡食辣) , 所以加入豆瓣醬一齊煮 , 令味道變得有少許微辣 , 而且煮好後焗左1粒鐘 , 令豬紅入晒味 , 好鬼正 , 袁生本來話要加埋炸蒜一齊食 , 不過剛巧屋企冇存貨呢 ^^



材料 : 韮菜 , 白蘿蔔 , 豬紅 , 蒜頭 , 乾蔥頭 , 豆瓣醬 , 冰糖 , 酒 , 薑 , 胡椒粉 , 水

薑去皮切條 , 蒜頭去衣切粒 , 乾蔥頭去衣切片 , 豬紅放入大碗內 , 加入薑絲及酒拌勻靜待30分鐘 , 韭菜摘好後用水沖一沖洗乾淨後切段 , 白蘿蔔去皮切件

將蒜粒 , 乾蔥頭片落鑊爆香 , 加入白蘿蔔 , 豆瓣醬及調味料拌勻炒數分鐘 , 加入冰糖及2杯水份量拌勻 , 用中火煮滾後蓋上蓋繼續用中火煮10分鐘

10分鐘後再加入豬紅拌勻 , 蓋上蓋轉慢火煮5分鐘 , 熄火蓋上蓋焗1小時至豬紅入味 , 1小時後將蘿蔔豬紅用中火再煮滾 , 加入韭菜段蓋上蓋用中火煮3分鐘至半軟身即可

材料
韮菜$5 , 白蘿蔔1條 , 豬紅1/2斤 , 蒜頭1/2個 , 乾蔥頭3粒 , 豆瓣醬1湯匙 , 冰糖 , 酒 , 薑 , 胡椒粉 , 水2杯

調味料
蠔油 , 生抽 , 老抽



做法
1. 薑去皮切條 , 蒜頭去衣切粒 , 乾蔥頭去衣切片 

2. 豬紅放入大碗內 , 加入薑絲及酒拌勻靜待30分鐘

3. 韭菜摘好後用水沖一沖洗乾淨後切段 , 白蘿蔔去皮切件

4. 將蒜粒 , 乾蔥頭片落鑊爆香 , 加入白蘿蔔 , 豆瓣醬及調味料拌勻炒數分鐘 

5. 加入冰糖及2杯水份量拌勻 

6. 用中火煮滾後蓋上蓋繼續用中火煮10分鐘

7. 10分鐘後再加入豬紅拌勻 , 蓋上蓋轉慢火煮5分鐘 

8. 熄火蓋上蓋焗1小時至豬紅入味 

9. 1小時後將蘿蔔豬紅用中火再煮滾 , 加入韭菜段蓋上蓋用中火煮3分鐘至半軟身即可




加入豆瓣醬一齊煮 , 令材料有種微辣的味道 , 而本來怕韮菜有腥味的袁生都變得喜歡呢 ^^