2013年4月28日 星期日

茴香籽檸檬焗沙甸魚 <附食譜>

袁生袁太每星期一至五晚都會坐定定係梳化,睇Cable TLC台的Jamie's Oliver30分鐘家常菜的節目,雖然我平時好少會煮西式晚餐,但唔知點解唔睇就唔安落,就連袁生都俾我感染左,講真30分鐘煮餐飯對我黎講真係冇可能的事,或者可能係個廚房唔夠大,一般煮兩餸一湯都要係廚房成粒鐘先捨得出黎,難怪袁生成日投訴咁夜先有飯開

好喇
,講番今次主角 : 沙甸魚




呢個食譜係Oliver節目到學事緣有日節目介紹呢個沙甸魚食譜袁生睇到就叫我搵日整俾佢食喎,不過沙甸魚比較難搵唔好話搵唔到新鮮,就連急凍沙甸魚都係搵左好多間先搵到
一於跟足電視做法
,睇下係咪真係咁好食先

答案係 : 原來真係唔錯

袁太整左四條
,淨係袁生一個都食左三條其實我覺得都唔係一定要整沙甸魚因為沙甸魚都幾多細骨,下次試下用魚柳整多次會唔會都係咁好味呢 ???


2013年4月26日 星期五

走牛 <附煙肉蛋黑豚豬肉漢堡包食譜>

今日天氣好熱,熱到我已經要著背心出街了而且這種天氣心情都有少許差,心情差的情況去到咩都覺得唔順眼番工做咩都好似唔順利今日仲同老細嘈左幾句添,唔知會唔會俾人炒呢 ??? 哈 ...

好喇
,心情唔多好自然就唔想煮飯(只不過係一個籍口)但又諗唔到去邊度食好係呢個時候~電話響起~,係袁生打黎問我今晚想食咩,未諗呀~心情差,放工先算~

點知袁生提議想食漢堡包



以下袁生袁太電話中對話 :
袁太 : 漢堡包 ??? 咁我放工去麥當當買

袁生 : 我唔想食麥當當的包(因為袁生腳痛關係都唔可以食牛,嘻 ...)
袁太 : 咁既然大家都唔食牛,咁等我自製一個美味的漢堡包,你一定會喜歡(屋企附近街市有間專買黑豚豬的店鋪,買黑豚肉做豬肉漢堡,味道一定perfect)

但材料就麻煩你放工幫我買
,我轉頭whatapps材料俾你,我做野先,你放工打俾我其實整漢堡包都唔駛好多時間,就算放得夜都可以好快有得食而且豬肉漢堡入面仲加左燕麥糠架,心理上都覺得健康D落足料巨大漢堡包完成了 !




老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......