2014年12月13日 星期六

休閒的一天 @ 2014.12.12




昨日袁生袁太放下手頭上的工作

同我家豬豬 book 左去寵物店沖涼 , 由於 book 左最早時間的關係

一早已經到達寵物店門口

不過只可惜還未開門 , 唯有等待吧

等待的時候 , 偷影袁生一幅相先 , 袋中的BB應該睡著了 ......



當寵物店開門了 , 將BB處理好

由於沖涼剪甲修毛吹毛都要3粒鐘咁長的時間

所以去了附近商場周圍行 , 搵地方醫肚

見有間韓國燒烤 , 啱晒 , 食韓燒可以慢慢坐 , 慢慢食

難得袁生又冇反對 , 就入去了




韓燒離不開有肉 , 前菜 , 熟食 , 湯水 , 壽司 , 沙律 , 生果 , 甜品 , 雪糕 , 任飲飲品 (多到影唔晒呢)





袁生就最愛熟食 , 我就最喜愛食薑醋 , 不過當然唔夠家中整的好味 , 用來頂頂隱吧





平時食韓燒只會袁太負責燒服侍袁生

但今次袁生居然係咁燒俾我食 , 突然間360C轉變

一定有計劃 , 唔通又有野想買但又唔敢開聲同我講 ???







呢間韓燒的雞肉好好味 , 嫩滑得來又辣辣地

相反腸仔同蟹柳就超難食

最後食埋甜品同雪糕就飽飽了 ^^






食完韓燒就周圍行下 , 行到寵物店職員打來 , 可以接BB回家

袁生好耐 , 好耐冇咁樣抱過BB喇 , 自從BB多年前做完手術後

唔喜歡俾人抱 , 唔知BB當時係咪覺得好溫暖呢 ???







好喇 , 要回家喇

BB好似唔想入袋喎 , 係咁嗲寵物店姐姐



 
由於中午食了韓燒還未肚餓 , 所以廚房暫停開放一天 , 去超市買了杯麵回家

當肚仔餓的時候 , 整個杯麵食就可以呢

講開杯麵 , 袁太都好耐冇食過 , 始終最愛雞肉味 ^^







好喇 , 之前講到食韓燒的時候 , 袁生係咁服侍袁太原來真係有目的呢

原來早前袁生偷偷買了 iphone 6 plus 俾自己

但又驚俾袁太鬧浪費金錢 , 所以先對我咁好呢

傻喇 , 其實只要袁生喜愛什麼都可以買 , 因他平時工作太辛苦呢

偶然買野獎勵自己都唔過份

仲同袁生一起買埋電話殼同保護貼添

不過最後同袁生補足左一句 , 其實你老婆我都喜愛 Note 4 喎

唔知袁生識唔識做呢 ^^




8 則留言:

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......