2014年12月14日 星期日

咸菜胡椒豬肚湯 , 潮州炸蠔餅




天氣凍的時候 , 莫過於整碗豬肚湯飲下 , 暖下胃

以往婆婆在世時必然會煲俾袁太飲

婆婆煲的胡椒味好重 , 飲完耳仔會好痕呢

其實袁太自己今次都係第二次煲

印象中第一次煲的時候 , 已經係N年前的事

當時味道頗淡 , 麻麻地好飲呢 ......



不過要飲豬肚湯 , 當然要去街市碰下運氣

看看有沒有豬肚賣

慶幸地行了3間豬肉店 , 有間有豬肚 , 不過都係得兩個呢

袁太買了一個回家 , 再去買咸菜 , 白胡椒粒同排骨就得喇



除左煲胡椒湯 , 天氣冷的時候亦最愛食蠔餅

只要買到鴨蛋 , 其實在家也可輕鬆做到美味脆口的蠔餅

而且蠔仔脹卜卜永遠係袁生最愛呢 ^^



首先要處理麻煩的豬肚先 (下列照片可能令大家感到不安 ^^ , 請見諒)
豬肚放入洗碗盆內 , 剪去周圍的肥膏後反轉 , 用清水沖洗黃色污物 , 再用粗鹽清洗豬肚三次 , 後用生粉清洗豬肚兩次 , 盛起瀝乾水份放入滾水中出水5分鐘









 
材料 : (咸菜胡椒豬肚湯) : 豬肚 , 咸菜 , 白胡椒粒 , 排骨
  



咸菜洗淨切件 , 排骨出水備用 , 白胡椒粒弄碎後放入豬肚內 , 用牙籤封口







煲內放入咸菜 , 排骨 , 豬肚 , 加入適量水用大火煲30分鐘後轉慢火煲2小時





將豬肚盛起切件 , 連用內裡的白胡椒一同回鑊煲多30分鐘即可







材料 (潮州炸蠔餅) : 鴨蛋 , 蕃薯粉 , 蠔仔 , 蔥 , 芫茜




蠔仔放入大碗中 , 加入生粉拌勻洗淨 , 重覆此步驟3次至蠔乾淨後印乾水份







燒滾水 , 加入蠔仔灼一灼 (唔需要完全煮熟) , 盛起瀝乾水份 , 蔥 , 芫茜切碎備用




大碗內加入蕃薯粉及水拌勻 , 再加入鴨蛋 , 蔥 , 芫茜 , 鹽 , 胡椒粉 , 蠔仔拌勻









鑊中加入油 , 放入蠔仔糊以半煎炸方式至兩面金黃即可 







材料 (咸菜胡椒豬肚湯)
豬肚1個 , 咸菜1包 , 白胡椒粒 , 排骨



做法
1. 豬肚放入洗碗盆內 , 剪去周圍的肥膏後反轉 , 用清水沖洗黃色污物

2. 再用粗鹽清洗豬肚三次 , 後用生粉清洗豬肚兩次

3. 盛起瀝乾水份放入滾水中出水5分鐘

4. 咸菜洗淨切件 , 排骨出水備用 , 白胡椒粒弄碎後放入豬肚內 , 用牙籤封口

5. 煲內放入咸菜 , 排骨 , 豬肚 , 加入適量水用大火煲30分鐘後轉慢火煲2小時 

6. 將豬肚盛起切件 , 連用內裡的白胡椒一同回鑊煲多30分鐘即可




 

材料 (潮州炸蠔餅)
鴨蛋2隻 , 蠔仔半斤 , 蔥 , 芫茜 , 蕃薯粉



做法
1. 蠔仔放入大碗中 , 加入生粉拌勻洗淨 , 重覆此步驟3次至蠔乾淨後印乾水份

2. 燒滾水 , 加入蠔仔灼一灼 (唔需要完全煮熟) , 盛起瀝乾水份

3. 蔥 , 芫茜切碎備用

4. 大碗內加入蕃薯粉及水拌勻

5. 再加入鴨蛋 , 蔥 , 芫茜 , 鹽 , 胡椒粉 , 蠔仔拌勻

6. 鑊中加入油 , 放入蠔仔糊以半煎炸方式至兩面金黃即可




12 則留言:

  1. 你好叻呀,洗新鮮豬肚真係幾係嘢!
    蠔餅香脆+可樂一流!

    回覆刪除
    回覆
    1. 我都好驚洗豬肚架 , 洗到隻手成浸味 , 不過偶然一次都OK既 , 蠔餅配可樂 , 直頭爽喇 ^^

      刪除
  2. 袁太,你煮嘅呢兩味,
    都係芙芙好喜歡架,如果有收藏呢個制,
    芙芙一定會按落去,一次過收藏哂呢兩個食譜!

    回覆刪除
  3. 袁太,你好勁呀! 有時我會買急凍豬肚。一嚟好難買到新鮮豬肚,另外因為cici"懶"。蠔餅一定要蠔仔漲卜卜。不過,鴨蛋好難買呀

    回覆刪除
    回覆
    1. 我都好驚洗豬肚架 , 不過偶然一次都OK既 , 蠔仔肥嘟嘟先好味呢 , 其實鴨蛋唔難買架 , 買潮州食物的店一定有得賣

      刪除
  4. 回覆
    1. 啱雀后食就好喇 , 不過雀后一定整得好味過袁太呢

      刪除
  5. 正呀~冬天飲呢個豬肚湯~之後實好暖胃呢~!

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......