昨日同袁生去旺角買地板 , 不過買地板前去花墟睇下野先
行完花墟就去附近花園街搵下野填肚
平時好少行個邊 , 唔行唔知原來花園街都幾多野食
有點心店 , 有日本店 , 有餃子館 , 有越南菜 , 又有普通茶餐廳
行左兩個圈最終選擇了這間 ......
袁太給它木製懷舊的風格所吸引
最愛木層傢俬的我 , 真係好喜愛這張枱呢
當時差不多中午十二時 , 暫時唔係太多人 , 座定定後就劃紙仔
等食物期間當然周圍影下相 , 收銀枱亦係木層系列 , 我愛呀 ~~~
牆身有塊大板 , 用粉筆寫上不同推介 , 還有其他圖案 , 我亦好喜歡 , 而且天花用上簡單的吊燈 , 亦係我最愛的簡單風格
食 物同飲品到了 , 有袁生的雪碧 , 袁太的豆漿 , 車仔麵方面 , 袁生要的米線配豬紅 , 牛爽 , 牛腩 , 豬大腸 , 豬紅唔散又入味 , 出面好難食到呢 , 勁讚 , 袁太要的菠菜麵配蘿蔔 , 貢丸 , 咖哩魷魚同糖心蛋 , 菠菜麵好彈牙好味 , 糖心蛋亦係推介之一 , 當然又係超好味 , 袁生平時唔太愛車仔麵都話好味 , 話下次可以再encore
埋單$107元 , 豆漿飲唔駛仲拎走邊行邊飲 , 店內所有員工都好nice好有禮貌 ~值得讚~
十六座車仔麵
地址 : 九龍旺角花園街215號地鋪
外賣自取電話 : 6060-4660
營業時間 : 11:30 ~ 22:30
看來這間車仔麵真唔錯喎
回覆刪除無論店鋪環境同味道 , 車仔麵來說係我覺得最乾淨同味道最好的
刪除車仔麵我都好鐘意
回覆刪除我都鐘意
刪除車仔麵係我學生回憶呢~成日食架嗰時
回覆刪除車仔麵絕對係學生們的最愛呢
刪除車仔麵我的至愛之一!
回覆刪除我都係 ^^
刪除我都好中意車仔麵!!對我黎講, 辣汁好味與否係佔好大比數!hehe..
回覆刪除等我下次出旺角試下呢間, 感覺坐得好舒服, 同埋應該係後生仔女開既舖頭!
我都好鐘意食辣 , 不過上次剛剛感冒完 , 袁生一定要我走辣呢 ><
刪除我都鐘意木層懷舊傢俬,亦都鐘意食菠菜麵
回覆刪除菠菜麵我都好鐘意食 , 估唔到車仔麵都有菠菜麵選擇 , 我都諗住都係得公仔麵 , 米線 , 烏冬個d呢
刪除車仔麵我都好鐘意食,最鐘意食蘿蔔雞翼豬紅同雞蛋
回覆刪除我樣樣都鐘意食
刪除車仔麵好似越來越貴.....兩碗都要over 50蚊啦....
回覆刪除不過如果好食又可以一試ge~
好味道就唔算貴呢
刪除原來係我公司附近開咗間咁有風味的車仔麵店都唔知，要去食吓先。多謝袁太介紹 ^^
回覆刪除原來cici都係個頭番工呢 , 咁要去試下喇
刪除我都好喜歡食車仔麵, 每次都叫蘿蔔架. ^^
回覆刪除我都係呀
刪除其實食車仔麵都幾貴喎， 我鍾意食麵根同大腸
回覆刪除麵根我就麻麻地 , 大腸都鐘意
刪除好食的食店, 值得一去再去~ 不錯的推介~~
回覆刪除我同袁生一定會再encore呢
刪除