呢款湯水就係蘋果木耳湯，全部都係我喜愛的材料，實在太開心
醫生講左呢款湯水有好多益處架，但袁太已經唔記得晒，總知對我身體好就冇問題喇，我自己本身好鬼鐘意木耳，但袁生就唔多好，成日話D木耳好硬，我都同佢講過無數次，D木耳唔係硬，係爽，但佢始終都係唔信，死都話係硬，唉 ... 佢鐘意點諗就點諗，最重要佢都肯飲就OK !
蘋果木耳紅棗湯
材料 : 蘋果<4個>，木耳<3-4朵>，無核紅棗<8粒>，豬展<$28>
做法 :
1. 木耳浸水至軟身後去蒂，豬展飛水備用
2. 蘋果去皮去芯切件，浸在鹽水內
3. 煲內放入適量水，待滾後加入所有材料
4. 用大火煲30分鐘後再轉慢火煲2小時，下少許鹽調味即可
醫生會打電話俾病人? 仲話有湯水可以飲???
回覆刪除點解唔可以飲湯水呢???
[版主回覆02/03/2013 23:00:30]係呀,私家醫生黎架,呢個醫生真係唔錯,好關心病人手術後的狀況!
[寧靜中的不寧靜回覆02/02/2013 07:04:41]最應該手術後吃咩呀??
呢個醫生唔錯喎....私院醫生?
[版主回覆01/31/2013 21:33:33]係呀,個醫生好攪笑架,會自己親力親為跟番病人的情況,好似話做完手術,飲湯水的話,驚補得滯喎!
飲番D湯都好...冇咁乾...
回覆刪除[版主回覆01/31/2013 21:32:19]係呀,我已經成三個星期冇飲湯喇!
嘩~好潤喎你個湯~加咗 蘋果一定好甜jer!~
回覆刪除[版主回覆02/03/2013 23:01:17]我自己就好鐘意呢個湯,但其實係咪大部份男人都係唔喜愛紅棗呢???