蝦醬牛肉炒溫室豆苗

我同老公一向都幾鐘意食豆苗,
不過溫室豆苗就好少煮,
今日係超市買左包番屋企試下,但用咩炒呢?
不如用蝦醬牛肉炒喇!
鹹鹹地,應該幾好味!
炒完出黎老公好鐘意,
我都好鐘意,
因為比普通豆苗爽口d,雖然貴就貴d,
但真係幾好食,冇所謂喇!



~蝦醬牛肉炒溫室豆苗~食譜

材料 : 溫室豆苗-1包 / 牛肉-$10 / 蝦醬-適量

                      醃料 : 生抽 , 生油 , 生粉 - 少許
 
1.牛肉加入醃料醃約15分鐘.

2.溫室豆苗洗淨,備用.
3.燒紅鑊,加入牛肉炒至半熟,盛起.
 
4.再落油,下溫室豆苗炒香後,加少許鹽,雞粉調味.
5.將牛肉回鑊,加入適量蝦醬兜勻,即可.