最近唔知點解愛上左栗子呢樣野,
唔係用黎炆餸就係用黎煲湯,
不過係煲湯之前梗係打電話問下媽咪而家的天氣煲栗子湯好唔好喇!
媽咪話栗子對肝好同埋補腦個喎,
不過我平時都冇咩腦架喇!
咁就補下袁生個腦喇!
~青紅蘿蔔栗子瘦肉湯~食譜
材料 : 紅蘿蔔-1條 / 青蘿蔔-1條 / 栗子-16粒 / 栗米-1條 / 無花果-1粒 /
果皮-1塊 / 瘦肉-$10 / 南北行-少許 / 蜜棗-2粒
做法:
1.無花果,果皮用水浸30分鐘後,無花果一開二切,果皮刮去瓤,備用.果皮-1塊 / 瘦肉-$10 / 南北行-少許 / 蜜棗-2粒
做法:
2.栗子用熱水浸30分鐘,去皮,備用.
3.紅蘿蔔,青蘿蔔切件,將瘦肉飛水,撈起,備用.
4.煲內放入適量的水,待滾後,放入蜜棗,南北行,無花果,果皮,粟米,瘦肉,栗子用大火煲30分鐘.
5.再加入紅蘿蔔,青蘿蔔煲15分鐘,再轉慢火煲1 1/2小時,下少許鹽調味,即可.
無果皮晤落得晤得亞???
回覆刪除[版主回覆05/09/2012 16:52:12]得,梗係得喇,因有d人唔鍾意果皮既味道!
青蘿蔔呢個時候有無得買伽???誒,我以家學你甘,褒湯前問左老工飲唔飲先,好去褒@@
回覆刪除[版主回覆05/09/2012 16:51:20]青蘿蔔成日都有得買架!
有粟米和栗子,無花果,蜜棗會唔會好甜???
回覆刪除[版主回覆05/09/2012 23:40:43]唔會呀,好滋潤架!