鯪魚肉蒸豆腐

係3號風球的橫風橫雨天氣下,
袁太雖然帶左傘出街,
但都由頭濕到落腳,真狼狽!
咁究竟今晚煮咩餸好呢
最近唔係落雨就鬼死咁熱,
攪到個人都冇咩胃口,
最好就煮清清地的餸,
咁不如就整豆腐喇!
簡單有益,又好味!一舉幾得...



~鯪魚肉蒸滑豆腐~食譜

材料 : 蒸煮滑豆腐-1盒 / 鯪魚肉-$8 / 蔥(切粒) - 少許

                      醃料 : 生粉 , 糖 , 生抽 , 麻油 , 胡椒粉 , 水 - 適量                     
 

 

1.鯪魚肉加入醃料醃30分鐘.
2.蒸煮滑豆腐切件後放少許鹽調味,放上碟備用.
 
3.將已醃好的鯪魚肉釀入豆腐上.
 
4.用大火隔水蒸10分鐘.
5.蒸好後放上蔥粒,淋上少許熟油,豉油,即可.