呢個湯係今日去街市買菜的時候,
個賣菜姐姐教既,
因為呢間菜檔我成日都幫襯,所以同d人都幾熟...
今日係度緊煲咩湯的時候,
個姐姐話不如煲冬瓜粟米或者木瓜雪耳喇!
我話唔好,因為我老公唔鐘意飲咁甜的湯架,
咁佢就介紹左我煲呢個蘿蔔湯喇!
話呢個湯煲出黎清清地,夏天飲幾好喎!
我心諗都好喎!橫掂老公一向都鐘意食蘿蔔,就煲蘿蔔湯喇!
不過呢個湯我覺得好似以前煲過,
但又冇咩印象!
~白蘿蔔排骨鱆魚湯~食譜
1.排骨飛水,備用.
2.鱆魚洗淨浸水,白蘿蔔切件備用.
3.煲內放入適量的水,開大火,待水滾後,放入蜜棗,排骨略煲一陣.
4.加入鱆魚,白蘿蔔,用大火煲半小時後,再轉用慢火煲約1 1/2小時,下少許鹽調味,即可.
沒有留言:
張貼留言