土魷娃娃菜滑雞煲

日日都為食咩餸而煩惱,
就算諗到晚餐煮咩,但又驚袁生唔鍾意食,
仲知一個字講晒""

講番今日呢個餸先,
袁太去街市兜左幾個圈後,
終於決定係雞檔買半隻新鮮雞,
一心諗住用黎蒸的,
點知袁生又話成日都係蒸,好喎!
袁太心諗,又唔駛你煮仲係度嫌三嫌四,
既然如果唔鐘意蒸,咁不如用黎炆喇!
再加埋袁生鐘意食的娃娃菜,
煮完之後用煲上,熱辣辣,雖然好味道,
但由於用煲上袁生又唔鐘意,話天氣咁熱仲食咁熱的野,
問袁太係咪找死喎!





~土魷娃娃菜滑雞煲~食譜

材料 : 新鮮雞-半隻 / 娃娃菜-2棵 / 土魷-1塊 / 薑-3片 / 蒜頭-適量
                      醃料 : 鹽 , 糖 , 酒 , 生粉 - 適量                                        

 

 

1.雞洗淨,瀝乾水份後加入醃料醃30分鐘.
2.土魷浸水1小時,薑切片,蒜頭切粒備用.
3.燒紅瓦煲,爆香薑片,蒜粒,土魷後,加入雞件爆至金黃色,加少許酒兜勻.
4.加入浸土魷的水,少許蠔油,煮滾後加入娃娃菜,轉慢火冚蓋煮至娃娃菜軟身,再加入少許胡椒粉調味,即可.