豉汁墨魚滑蒸豆腐

有時覺得日日係到諗煮咩餸俾袁生食,
簡直諗到頭都大埋,
因為袁生鐘意食濃味的餸,
而袁太就鐘意清淡的餸,
所以每次諗用咩材料煮飯,
都要認真諗下先好去買,
費時買左材料番屋企煮完出黎,
袁生唔鐘意食!

所以袁太最後諗到今晚晚餐用墨魚滑做材料,
因為墨魚滑袁生袁太都鐘意食,
再加豆腐做材料,
豆腐清清地,袁太鐘意,
再用豉汁去蒸,
豉汁的味道濃濃地,袁生鐘意,
所以呢味餸有晒袁生袁太兩夫婦各有鐘意的清淡材料同埋濃郁的味道喇!
一餸幾得!




~豉汁墨魚滑蒸滑豆腐~食譜

材料 : 墨魚滑-$20 / 蒸煮滑豆腐-1盒 / 蒜蓉豆豉醬-適量 / 蔥(切粒)-少許

1.墨魚滑用少許雞粉醃好.
2.豆腐切片後放上碟沾少許生粉,將墨魚滑放上豆腐面.
 
3.將適量的蒜蓉豆豉醬加少許水,生粉拌勻後淋上墨魚滑豆腐上.
4.用大火隔水蒸10分鐘,最後放上蔥粒,少許熟油,即可.