記得細細個的時候,
媽咪,婆婆成日都會整白飯魚做餸,
所以白飯魚可以話係由細食到大,
但最近已經好少整黎食,
以前同袁生拍拖的時候,
曾經整個一次俾佢食,
但袁生個時話袁太整得唔好食,
所以從始之後就冇再整過喇!
突然醒起白飯魚呢樣野,
所以決定買黎今晚做晚餐,
以前十蚊已經可以買到好多,
但而家十幾蚊都係得少少,
不過其實白飯魚係咪離不開都係用黎煎蛋的呢
希望今次整得好食過以前,
袁生會鐘意食喇!
~豆角粒白飯魚煎蛋~食譜
材料 : 白飯魚-$15 / 豆角粒-6條 / 雞蛋-5隻
1.先將雞蛋拌勻,加少許生抽調味.
2.豆角切粒後,豆角用少許雞湯煮一煮去掉腥草味,撈起,備用.
3.白飯魚洗淨抹乾,用少許鹽,油,胡椒粉醃好.
4.燒紅鑊,用少許油將白飯魚輕炒至開始轉白色及迫出水份,將白飯魚撈起隔水.
5.將白飯魚,豆角粒放入蛋液內一同拌勻.
6..燒紅鑊,將1湯匙的蛋液放入鑊內,用鑊鏟將蛋餅對摺成蛋角,即可
沒有留言:
張貼留言