冬瓜鹹蛋魚滑湯

今日本來諗住滾節瓜湯架!
已經買左鹹蛋,
但去到菜檔見到節瓜麻麻地,
所以就轉左滾冬瓜,
但如果就咁冬瓜鹹蛋湯,好似dry左d,
所以袁太就諗到不如加埋墨魚滑一齊滾,
味道係點
梗係好味道喇!
因為袁生袁太都鍾意墨魚滑,
所以呢d湯係非常好飲!



~冬瓜鹹蛋魚滑湯~食譜

材料 : 冬瓜-1磅 / 鹹蛋-1隻 / 墨魚滑-$15 / 鮮魚濃湯-1盒                  

 做法:
 1.冬瓜去皮及核,切粒.

 2.墨魚滑用少許雞粉略醃.

 3.煲內放入適量的水,加入鮮魚濃湯,放入冬瓜滾約45分鐘.
 4.加入墨魚滑,鹹蛋拌勻後,下少許鹽調味即可.