老王瓜牛大力瘦肉湯

呢幾日袁太係街市見到好多太太買牛大力,
袁太梗係唔執輸買埋一份喇!
但究竟牛大力有咩功效,
有咁多太太都買黎煲湯呢
以袁太咁八的性格,
梗係問下老闆有咩好處喇!
oh,i see...
原來牛大力係有清熱潤肺,消炎止咳的功效,
橫掂袁生平時食咁多煙,
袁太最近又成日咳,
煲呢個湯就啱晒喇!



但用牛大力煲湯究竟另外要加咩材料一齊煲呢?
老闆介紹可以用老王瓜,
咁袁太就聽老闆講用老王瓜,
但煲出黎袁生就唔太鍾意,
話味道怪怪地喎,
可能味道甘甘地掛,
不過老實講,袁太都覺得味道太甘,麻麻地好飲...

~老王瓜牛大力瘦肉湯~食譜

材料 : 老王瓜-1個 / 赤小豆,扁豆-適量 / 牛大力-適量 / 甘旬-1條 / 瘦肉-$10 /

                               蜜棗-2粒 / 粟米-1條

做法:

1.將瘦肉飛水,切件備用.

2.老王瓜洗淨切件,牛大力洗淨切片,甘旬去皮切件.

3.煲內放入適量的水,放入蜜棗,赤小豆,扁豆,瘦肉,粟米煲30分鐘.
4.再加入老王瓜,牛大力,甘旬煲30分鐘,再轉慢火煲1 1/2小時,下少許鹽調味,即可.