沙葛花生雞腳排骨湯

之前落左幾日雨,今日有番太陽又熱左少少,
但袁太都帶定把傘出街,
費時無端端落雨,
唉...不過天氣就算熱或凍,有雨或冇雨,
都要去街市買餸煮飯,
呢個定律係永遠都唔會改變,



好喇!講番今晚煲的湯先,
其實沙葛湯以前都煲過一次,
覺得好清甜,d沙葛又爽脆,仲知煲出黎好味道喇!
見袁生之前都幾鍾意飲,
今晚就煲多一次喇!
因為唔知沙葛幾時會冇得賣,
記得初初第一次煲的時候,
仲驚袁生唔鍾意,因為沙葛始終都有少少甜甜地,

不過好彩袁生都好鐘意,
鍾意的程度就連湯渣都食埋,好!



~沙葛花生雞腳排骨湯~食譜

材料 : 沙葛-1個 / 花生-適量 / 雞腳-4隻 / 排骨-$20 / 蜜棗-2粒 / 果皮-1小塊

做法:
1.將排骨飛水,撈起,備用. 

2.沙葛去皮洗淨切件備用.

3.雞腳剪去腳甲後出水,放入凍水30分鐘.
 
4.煲內放入適量的水,凍水落蜜棗,開大火,待水滾後,加入果皮,花生,排骨煲30分鐘,再加入沙葛用大火煲30分鐘,
   再轉慢火煲30分鐘.
5.下雞腳煲30分鐘,下少許鹽調味,即可.