節瓜眉豆花生鱆魚雞腳排骨湯

今日決定唔滾湯,煲d老火湯俾袁生飲,

於是打電話問袁生想飲咩湯喇!不過袁生個答案都係例牌個句,
就係"是但啦!"

唉...見平時袁生最鐘意飲節瓜煲的湯,
但冇理由成日都滾節瓜鹹蛋湯架!
見雪櫃仲有一塊鱆魚,
同埋袁生最近成日話隻腳痛,聽講雞腳可以補番d腳骨力,
所以就決定煲節瓜眉豆花生鱆魚雞腳排骨湯喇!



~節瓜眉豆花生鱆魚雞腳排骨湯~食譜

材料 : 節瓜-2個 / 鱆魚-1塊 / 雞腳-4隻 / 眉豆花生-少許 / 排骨-$22 / 蜜棗-2粒

做法:                      

1.排骨先出水備用.

2.雞腳飛水,沖洗乾淨後放在凍水30分鐘.

3.節瓜刮乾淨,眉豆,花生洗乾淨,鱆魚浸水一會備用.


4.煲內放入適量的水,落蜜棗,眉豆花生,排骨煲30分鐘,再加入節瓜,雞腳煲30分鐘.

5.再轉慢火煲1小時,下少許鹽調味,即可.