袁生平時真好鬼鍾意食豆腐花,
每個星期都要食碗熱豆腐花先安落,
不過其實除左食甜豆花之外,
袁太平時都鍾意用豆腐花黎煮餸,
滑o都o都的豆花,
用黎送飯真係一流架,
平時只會用肉碎,再加少少蠔油黎整已經好好味,
不過今次就用色彩繽紛的材料黎做...
何謂色彩繽粉???
有黑色,有綠色,又有橙色...
咁點解又叫做六寶呢
因為除左豆腐花外,
用左六樣材料一齊煮,所以咪就咁叫六寶囉!
不過其實全部都係屋企雪櫃有的材料,
只要去豆腐鋪買碗淨豆花就可以,
煮到一碟好味又健康的餸菜喇,
袁太覺得個煮法好簡單,
而袁生就好似細路仔咁食得好開心!
~六寶豆腐花~食譜
1.所有材料切粒備用.
3.鑊中加入少許雞湯,將海參,瑤柱煮約15分鐘,撈起.
4.燒紅鑊,將菜心莖,蝦仁,甘旬粒,飽片炒熟後加入少許雞湯,鹽煮至淋身後,將海參,瑤柱落鑊一齊兜勻.
5.將所有材料放在豆腐花上即可.
用豆腐花整餸都得...利害...
回覆刪除[版主回覆11/22/2011 18:06:19]豆腐花整餸真係好好味架,袁生都不知幾鍾意,你得閒都試下喇!