今日本來諗住炆牛肋條,
點知去到吉吉島居然唔見有得賣,
咁唯有落番街市的牛肉檔買喇,
但袁太未試過去牛肉檔買牛腩,
因為驚俾人呃,
會俾d唔靚的牛腩我,
但都冇辦法,
因為之前已經同袁生講左話有炆牛腩做晚餐,
所以點都要買到番屋企,
咁就去牛肉檔話想買牛腩,
用黎炆既,
話兩個人食,唔駛咁多,
點知一切一磅都要$40,
嘩...好似多得滯喎,
會唔會食唔晒架,
唉...不過算喇,
叫左人切,唔通唔買咩!
番到屋企炆左個半鐘,
上枱前梗係要俾袁生試下味喇,
睇袁生個樣好似好滿意喎,
仲話一d都唔硬,好好味,
好彩姐,
買左$40牛腩,
如果炆得唔好食都唔知點算囉!
~牛湯薯仔炆牛腩~食譜
1.牛腩(不要切)用薑絲,蔥段出水10分鐘,薯仔去皮切件備用.
2.燒紅鑊,下薑片炒至金黃色,加入牛腩炒香,贊少許酒,再加入牛肉味濃湯寶,清雞湯,冰糖,水蓋過
牛腩.
3.待滾後轉細火炆1小時,再加入薯仔炆30分鐘後,熄火焗30分鐘.
4.食時先將牛腩切件,再放回湯返滾,加少許鹽調味,即可.
我好想食牛腩...不過女女唔食得牛...所以我唔會整...通常去爸爸屋企食...
回覆刪除[MR.MOON回覆12/20/2011 08:39:33]之前我老公有時都會下廚...不過...家下好耐都冇...
[版主回覆12/19/2011 22:06:00]咁你媽咪咪好幸福,唔知點解我好鬼鐘意見到男人入廚房架,覺得男人入廚好man,不過可惜袁生就...唉...
[MR.MOON回覆12/19/2011 19:40:09]我個女皮膚唔好...有濕疹...所以牛同海鮮唔食囉...怪只怪我有佢個時食牛肉...牛肉好毒...你都小食為妙...我爸爸煮餸真係好叻架...娘家係我爸爸煮架...
[版主回覆12/19/2011 18:52:59]點解唔食得既,敏感???有爸爸煮仲好過自己煮喇!係咪...你爸爸煮野一定好好食既姐!