大家記唔記得袁太講過係至憎食蠔豉
但點解又會煮???係因為屋企個袁生話新年期間點可以唔食蠔豉
~~唉~~算把喇,橫掂媽咪之前俾左細細隻的蠔豉我
咁我就煮埋佢喇
如果唔係d蠔豉都唔知會放係雪櫃幾耐
不過初初袁太諗住炆豬軟骨架
但打俾袁生又話呢樣唔食個樣唔食
以下係袁生袁太電話中的對話
袁太:你話今晚想食蠔豉,我浸左冬菇喇,炆豬軟骨好唔好呀???
袁生:我唔食豬軟骨架!
袁太:咁一係炆火腩
袁生:我又唔想食火腩喎
袁太:咁麻煩架,咁你想炆咩呀?
袁生:是但喇!我做緊野呀...
袁太:咩是但呀~講幾樣你都話唔食
袁生:咁炆牛肉喇,我好多野做呀
袁生咁就收左線,但炆牛肉會唔會好怪呢
~唉~唔理咁多,係袁生叫既,最多唔好食咪賴佢囉!
~冬菇蠔豉煮牛肉~
材料:
冬菇-8隻/蠔豉-6隻/牛肉-$15/薑-3片/蠔油-適量
醃料:
生抽,麻油,生粉,油,胡椒粉,水-少許
做法:
<1>
冬菇浸一晚,蠔豉浸30分鐘(蠔豉水留用).
<1>
冬菇浸一晚,蠔豉浸30分鐘(蠔豉水留用).
<2>
牛肉加入醃料醃30分鐘.
<3>
燒紅鑊,將牛肉落鑊炒至半熟,撈起.
<4>
再開鑊,爆香薑片,冬菇,蠔豉兜勻,加入蠔豉水,清水,蠔油蓋過材料.
<5>
待滾後用慢火炆30分鐘,將牛肉加入兜勻煮約5分鐘即可.
我好怕是但既人....但係又有要求....袁太你做得好岩...踢番個波俾袁生.....唔好食就賴番佢.....哈哈哈哈....牛似會唔會un左少少???
回覆刪除[版主回覆02/03/2012 10:57:15]係呀!表面就冇所謂,但煮完出黎又話唔想食,所以我而家諗到煮咩餸都會打俾袁生問下先,費時中招,好彩今次d牛肉冇un,味道唔錯!
牛肉用牛柳得晤得亞??
回覆刪除[版主回覆03/14/2012 16:57:33]不過用牛柳我驚整出黎會好硬喎!