蓮藕魚肉餅

自從上次整左煎藕餅大擭好評後,今次再接再厲又黎整蓮藕餅

上次整蓮藕餅的時候
估唔到袁生會咁鍾意
不過就話唔鍾意加臘腸喎
好喇,咁今次就走臘腸,走肉碎
轉左用魚肉整
反而我就比較鍾意今次呢個用魚肉整的蓮藕餅多d
而袁生就覺得冇咩分別
唉...
有時真係覺得就算整九大簋俾佢食
佢都係冇反應
~袁生你真係好難服侍呀~

~蓮藕魚肉餅~

材料:

蓮藕-1節/魚肉-$10/冬菇-5隻/蝦米-少許/雞蛋-1隻

醃料:
生粉,糖,生抽,麻油,胡椒粉,水-少許

做法:
<1>
冬菇,蝦米浸軟後切碎,蓮藕去皮磨成茸備用.
<2>
魚肉加入醃料拌勻.
<3>
燒紅鑊,將冬菇粒,蝦米粒爆香後放入蓮藕茸內拌勻.
<4>
再加入魚肉,雞蛋拌勻.
<5>
燒紅鑊,將蓮藕魚肉餅搓成球狀後落鑊壓平煎至兩面金黃色即可.