都煲到厭但冇辦法,鬼叫袁生鍾意咩
袁太煮親飯,煲咩湯都會以袁生為大前提
我真係一個好老婆
(又自己讚自己,大家唔好見怪
)講番個湯先
其實煲蓮藕湯多數都係用鱆魚綠豆
袁太梗係唔例外都係用呢d材料喇
另外再加
左少少馬蹄一齊煲馬啼爽爽甜甜咁,味道唔錯架
不過袁生就似乎唔太鍾意馬蹄咁喎
又或者袁生一向都唔鍾意食湯渣
反而袁太就好鍾意湯渣
d湯渣好好味架
蓮藕又粉,馬蹄又爽,排骨又啖啖肉
真係唔駛煮飯
飲碗湯食湯渣都夠飽lu!
~蓮藕鱆魚綠豆馬蹄排骨湯~材料:
蓮藕-2節/鱆魚-1塊/馬蹄-10粒/綠豆-適量/排骨-$20/蜜棗-2粒<1>
蓮藕去皮切件
,馬蹄去皮備用.<2>綠豆,鱆魚浸水,排骨出水.
<3>煲內放入適量的水,放入蜜棗,待滾後加入綠豆,鱆魚,排骨用大火煲30分鐘.
<4>
再加入蓮藕,馬蹄煲30分鐘後轉慢火煲1小時,下少許鹽調味即可.
袁生唔愛馬蹄, 唔食咪ok 啦~淨係飲湯~ 有好多湯渣....勁足料....料先最好食~~
回覆刪除[版主回覆03/06/2012 12:18:51]我都係咁話，同意...同意！
[寧靜中的不寧靜回覆03/06/2012 08:31:01]何止....三跪九"扣"至真.......哈
[版主回覆03/05/2012 14:24:09]我有時都服到佢五體投地!
[寧靜中的不寧靜回覆03/05/2012 06:50:17]寫多個服字俾袁生...
[版主回覆03/04/2012 12:14:08]好難唔俾佢知架,佢一定問到你講有咩材料為止!
[寧靜中的不寧靜回覆03/04/2012 07:52:55]唔好俾佢知入面有佢唔愛既材料啦~畢定俾佢
[版主回覆03/03/2012 12:44:22]我都覺得湯渣係最好味,但袁生的性格有時如果碗湯入面有佢唔鍾意的材料,佢真係會唔飲架,不過雖然佢唔鍾意馬蹄,但好彩碗湯入面有佢鍾意的蓮藕同綠豆,佢先飲咋,有時真係覺得袁生好難服侍>_<
我地一家會食哂渣...事事以老公為首...唔係好老婆係咩？？？
回覆刪除[版主回覆03/03/2012 22:12:20]你講得啱,我完全同意!
[MR.MOON回覆03/03/2012 21:55:59]一齊耐左...自然要求高左...一百分都要加bonus...
[版主回覆03/03/2012 12:45:45]所以我係一個100%好老婆,嘻...嘻...我成日同袁生講娶左我簡直好過中六合彩,但佢唔覺囉!