豆漿雪耳燉椰青

星期日的時候，袁生下午時份去剪頭髮

出門口之前袁太叫袁生剪完之後同我去超市買狗糧，不過唔知袁生記唔記得呢 ???

因為袁生唔記得左帶mobile出門口

不過好彩袁生仲記得，好喇，等我睇下佢買左咩番黎先

除左買狗糧之外，仲買左益力多，豆腐花，幾包薯片

最攪笑無端端買左個椰皇番黎

原本袁生想我整甜品俾佢食，不過唔好意思開口，真係傻豬黎架

但椰皇究竟可以整咩甜品呢 ???

袁太一開雪櫃就搵到材料，只要一盒豆漿，半個雪耳就可以

唔駛問個甜品一定滋潤又養顏，而且製作過程亦好簡單


首先將雪耳洗淨剪蒂處理好，打開椰青，將椰青水倒出，低糖豆漿加入冰糖及椰青水用慢火慢慢煮溶冰糖後倒入碗中，再放入雪耳，燒滾水用中火燉1小時即可

 
做法係咪超簡單呢 !

初時仲以為袁生多數唔鐘意呢類型甜品

因為平時袁生係唔多好豆漿同雪耳，但出奇地話好味

唔通因為個椰皇係袁生買的關係 ???