基本上每位煮婦太太都懂得做
雖然話說容易，但自己動手整，總是整極都整唔好
唔係調味過淡，就係肉餅蒸出來又乾又實究竟點先可以整到好味的肉餅呢 ???
所以又係時候Search下有關資料
發現原來要蒸好的肉餅，面層一定要有大量汁料
而呢D汁料千萬不要倒掉
因為只要等一陣，肉餅便會自動吸回汁料
咁肉餅就會Juicy又彈牙喇
搵完資料後決定再次挑戰肉餅
就整袁生至愛的土魷肉餅，仲要加埋我至愛的豆腐
剁 ... 剁 ... 剁 ... 今次袁太好俾心機係咁剁，剁左大約15分鐘應該OK掛
我相信今次一定唔會失敗(心諗)
醃完就可以攞去蒸，大約十分鐘後
土魷肉餅就完成，今次真係好Juicy好彈牙
袁生雖然冇講D咩評語，但見到佢係咁食
唔駛問都知喇，好野~成功~
豆腐土魷蒸肉餅
材料 : 豆腐<1磚>，梅頭豬肉<$25>，馬蹄<5粒>，土魷<1塊>，蔥花<適量>
醃料 : 鹽，糖，生粉，雞粉<少許>
做法 :
1. 土魷浸水至軟身後切細粒
2. 馬蹄去皮，用刀拍一拍後切碎，再搾乾水份
3. 豬肉切絲後再切粒，剁至肉餅加入醃料拌勻再打至起膠
4. 再加入馬蹄粒，土魷粒拌勻
5. 豆腐切片後放入碟內，再鋪上肉餅
6. 用大火隔水蒸10分鐘熄火，最後灑上蔥花即可
肉餅加水攪到蓉咁...蒸出黎仲軟...
回覆刪除[版主回覆01/25/2013 15:45:55]係呀,佢就嫌加左水之後,散修修唔好食喎!
[MR.MOON回覆01/25/2013 15:39:15]可能袁生覺得太爛咁...
[版主回覆01/25/2013 15:38:12]咁個個人口味唔同ma!
[MR.MOON回覆01/24/2013 21:02:47]我老公反而鍾意...
[版主回覆01/24/2013 12:31:33]但我以前試過加水,但蒸出黎肉餅好散,袁生唔鐘意!
D豆腐索左D汁, 仲正~~ D汁仲可以撈飯, 一汁幾食~
回覆刪除[版主回覆01/24/2013 12:31:50]我至鐘意用汁撈飯!
打至起膠???點先算起膠ar?
回覆刪除[版主回覆01/30/2013 01:33:02]唔駛客氣！
[大肥人回覆01/29/2013 09:57:48]明白...thx 袁太~
[版主回覆01/28/2013 21:48:57]將剁好的肉餅加入醃料拌勻後,用手慢慢拎起舊肉撻落碗內,撻到有黏性就可以!