因為以前的袁太係唔喜愛入廚房，所以以前的煮藝多數都係失敗多，但唔經唔覺喜愛入廚房攪攪震已經十幾年了，廚藝當然漸漸進步，如果唔係都唔會開個Blog同所有Blog友分享入廚樂趣
其實自己整魚蛋都係一件容易的事，而且製作時間亦唔係太耐，不過袁太仲有一關要過，就係袁生個關，因袁生本身唔太愛魚蛋，佢話成日都覺得腥腥地，唔知今次自家製手打魚蛋可唔可以令到呢位仁兄對魚蛋從此改觀呢 ???
自家製魚蛋的主要材料 : 鮫魚
自家製手打魚蛋
材料 : 鮫魚<斤半>，小棠菜<適量>，生菜<1棵>，薑<3片>
做法 :
1. 鮫魚洗淨去皮去骨起肉，將魚肉加少許鹽剁至起膠
2. 預備一碗水，加入少許鹽拌勻
3. 魚肉加入1/3份量鹽水，用手不停向順方向拌勻，拌勻至魚肉成膠狀
4. 小棠菜洗淨切碎後加入魚肉內拌勻，唧出魚丸備用
5. 燒紅鑊，爆香薑片，將鮫魚骨煎至金黃色後加入熱水成奶白色，滾後轉慢火煲1小時成魚湯底
6. 魚湯底隔去魚骨，放入切成絲的生菜煮片刻
7. 再放入魚丸煮至浮起，加入少許胡椒炒調味即可
好好好好味咁....我要加蔥....
回覆刪除袁生like 嘛???
[版主回覆06/21/2013 21:47:12]味道真係唔錯架,就係因為袁生唔喜愛食蔥,所以就轉左佢鐘意的小棠菜,佢當然like喇!
我會用加薑末, 栗粉, 胡椒粉, 鹽, 一起順時針搗成膠. 因為有粉, 吃起來彈牙. 有薑末和胡椒粉便沒有腥味. 有時我會一粒粒煎後才放湯, 或是當魚餅食.
回覆刪除[版主回覆06/23/2013 22:17:54]我下次都想試下用黎煎,應該會幾好味!
嘩~呢個自己整實好味~你好有心機呢~!
回覆刪除[版主回覆06/25/2013 21:22:03]有時都要整D心機食物俾袁生食既!
你真係好有心機!睇圖都知道好味道啦!
回覆刪除個湯真係好正咁bor，睇到我好想食生菜魚肉!
[版主回覆06/27/2013 23:27:44]咁妳都整番碗食下喇！