[狗狗 Homemade Diet] 馬鈴薯雞肉燕麥餅

對於家中有養貓貓狗狗的朋友仔 , 都有留意前兩日新聞

之唔係貓狗糧檢驗有問題囉

雖然我家豬豬食開的牌子沒有問題 , 但做主人的始終都會擔心呢

何況我家豬豬已係老狗狗了 (但樣貌 , 動作一D都唔似) , 哈 ......

其實曾經何時袁太已想為豬豬的晚餐轉做 Homemade Diet

但一向都係取出一個字 "拖" , 其實亦都係因為 "懶"

不過新聞報道後 , 袁太覺得始終市面買的狗糧已經開始唔穩陣了

所以由昨晚開始決定為豬豬晚餐轉 Homemade


 

首次 Homemade Diet 材料有馬鈴薯 , 雞肉 , 燕麥 , 青豆 , 通粉

全部材料都健健康康 , 對狗狗亦好有益處 , 而且做法簡單

狗狗食得開心 , 健健康康生活 , 絕對係主人最開心的事

不過袁生睇死袁太唔會維持好多日 , 哼 ... 

為左豬豬 , 我一定會製作好多健康食物俾 BB 呢 ^^

材料
馬鈴薯2個 , 免治雞肉50g , 燕麥 , 青豆 , 通粉



做法
1. 青豆洗淨 , 連通粉一起放入煲內煮至通粉熟透 , 盛起待涼備用

2. 馬鈴薯洗淨放入水中煮30分鐘 , 盛起待涼去皮壓成薯蓉狀 

3. 加入雞肉完全拌勻

4. 將適量份量的雞肉薯蓉搓成圓形 , 再壓平 , 兩面沾上燕麥片 , 放在已鋪上牛油紙的焗盤上

5. 用叉再將薯餅壓平 , 放入焗爐用180C焗40分鐘即可

      

   

   

 

由於我家BB一向唔喜愛咀嚼的關係 , 所以將餅餅切成細細件 , 方便入口呢

   

睇來豬豬好喜愛媽咪為它炮製的愛心晚餐呢 ^^