土魷馬蹄肉餅煲仔飯

 

最近天氣凍冰冰又下著大雨 , 令本來懶散的袁太更加懶

這幾天晚餐離不開出街食或者火鍋系列

不過袁生突然話想食 ... 煲仔飯 ...... 袁生開到口當然沒有問題 ......



事緣袁生前幾日已經話好耐冇食過蒸飯

講真 , 平時想食蒸飯都係出街食 , 不過出街多數都係鳳爪排骨

臘腸滑雞或者窩蛋牛肉

袁生又唔係咁想食呢幾款 , 因袁生只愛土魷肉餅

記得之前袁太整過土魷肉餅得到袁生的高度讚賞

所以袁太就決定自己在家整土魷肉餅煲仔飯 , 就用個細煲仔整



媽咪教落在家整煲仔飯要將白米預先用雞湯浸一陣

再放入鑊炒下佢

炒到乾身後放入煲再加入浸米的雞湯用明火煮 , 當飯收乾水時再加上肉餅

蓋上蓋蒸幾分鐘就得 , 係咪好容易呢



唔自己在家煮都唔知 , 原來在家整煲仔飯都可以街的咁好味

袁生當然好鐘意呢個煲仔飯

袁太仲整到有少少飯焦 , 咬落脆卜卜

不過講開煲他飯系列 , 我還是最愛鳳爪排骨呢 ^^



材料 : 梅頭肉 , 土魷 , 馬蹄 , 薑 , 白米 , 雞湯 , 雞蛋 , 蔥 , 細煲仔

白米放入大碗內加水洗淨 , 倒去水份後加入雞湯拌勻浸1小時

土魷浸水至軟身後切細粒 , 馬蹄去皮 , 用刀拍一拍再切碎 , 薑切細粒 , 蔥分別切細及切絲

豬肉剁成肉餅狀後放入大碗內加入馬蹄粒及土魷粒拌勻 , 再加入醃料及蛋液順一同方向拌勻 , 再撻十餘下至起膠

將浸好的白米瀝乾水份盛起 , 浸白米的雞湯亦分別盛起待用

燒紅鑊 , 爆香薑粒後加入白米炒至乾身 , 盛起放入另一煲內

再加入浸白米的雞湯拌勻 , 用中火煮滾後蓋上蓋煮15分鐘至水份差不多收乾 

再鋪上肉餅蓋上蓋繼續用中火煮8分鐘至肉餅熟透 , 再轉大火平均煮兩分鐘至有飯焦 , 熄火再焗5分鐘 , 取出淋上甜豉油及灑上蔥粒及放上蔥絲即可

材料
梅頭肉$20 , 土魷兩塊 , 馬蹄6粒 , 薑 , 白米1杯 , 雞湯250ml , 雞蛋1隻 , 蔥 , 細煲仔1個

醃料
鹽 , 糖 , 生粉 , 雞粉



做法
1. 白米放入大碗內加水洗淨 , 倒去水份後加入雞湯拌勻浸1小時

2. 土魷浸水至軟身後切細粒 , 馬蹄去皮 , 用刀拍一拍再切碎

3. 薑切細粒 , 蔥分別切細及切絲

4. 豬肉剁成肉餅狀後放入大碗內加入馬蹄粒及土魷粒拌勻

5. 再加入醃料及蛋液順一同方向拌勻 , 再撻十餘下至起膠 

6. 將浸好的白米瀝乾水份盛起 , 浸白米的雞湯亦分別盛起待用

7. 燒紅鑊 , 爆香薑粒後加入白米炒至乾身 , 盛起放入另一煲內

8. 再加入浸白米的雞湯拌勻 

9. 用中火煮滾後蓋上蓋煮15分鐘至水份差不多收乾  

10. 再鋪上肉餅蓋上蓋繼續用中火煮8分鐘至肉餅熟透

11. 再轉大火平均煮兩分鐘至有飯焦 , 熄火再焗5分鐘

12. 取出淋上甜豉油及灑上蔥粒及放上蔥絲即可

天氣凍的時候 , 除火鍋外 , 食煲仔飯都係一個唔錯的選擇 , 食煲仔飯最愛有飯焦呢 ^^