簡單惹味回鍋肉

最近袁太好愛用豆瓣醬煮餸菜

例如麻婆豆腐 , 魚香茄子炆米 , 豆瓣醬炒雞肉等等

不過離不開最愛都是回鍋肉

單單一碟回鍋肉 , 無論拌飯 , 撈麵都一樣咁正 ......



但講起回鍋肉 , 以前都試過整好幾次

不過當然係用現成醬料包來煮 , 味道真係想大叫一聲 "好難吃"

從此同回鍋肉不秋不睬 , 絕交了

要整一碟好味的回鍋肉 , 最重要當然係汁料的味道

其實汁料只用上簡單材料都可做出美味的味道

無須再依賴醬包



袁太唔知點樣為知正宗的回鍋肉 , 出街食的間間不同

有用青椒的 , 有用大蔥的 , 不過我就喜愛用椰菜

椰菜完全吸收汁料的香味 , 真係冇得頂

另外再加上豆干 , 一碟有菜有肉有豆的惹味菜就完成



而且做法簡單 , 如果大家唔喜愛用腩肉的話

轉用豬肉片來做都可以呢 ^^

材料 : 有皮腩肉 , 豆干 , 椰菜 , 蔥 , 薑片 , 豆瓣醬 , 海鮮醬

椰菜洗淨切細片 , 豆干切薄再對切好 , 蔥切段 , 調味料放入碗中拌勻備用 , 將一半份量蔥段及薑片放入鑊中 , 將腩肉放入用慢火出水10分鐘 , 盛起待涼切片

 

燒紅鑊 , 爆香腩片至微黃色 , 加入豆乾片及蔥白拌勻炒香

 

加入調味料及椰菜拌勻 , 蓋上蓋用中火煮3分鐘後熄火繼續焗5分鐘至椰菜軟身

將材料放入細煲內 , 放上青蔥段即可

材料 
有皮腩肉1條 , 豆干2塊 , 椰菜1個 , 蔥 , 薑片 , 豆瓣醬 , 海鮮醬 

調味料 
辣豆瓣醬2湯匙 , 海鮮醬1湯匙 , 糖少許 , 水1碗



做法
1. 椰菜洗淨切細片 , 豆干切薄再對切好 , 蔥切段

2. 調味料放入碗中拌勻備用

3. 將一半份量蔥段及薑片放入鑊中 , 將腩肉放入用慢火出水10分鐘

4. 盛起待涼切片

5. 燒紅鑊 , 爆香腩片至微黃色 , 加入豆乾片及蔥白拌勻炒香

6. 加入調味料及椰菜拌勻 , 蓋上蓋用中火煮3分鐘後熄火繼續焗5分鐘至椰菜軟身

7. 將材料放入細煲內 , 放上青蔥段即可 




絕對好送飯的回鍋肉 , 我同袁生都好喜愛呢 ^^