青豆蘑菇椰菜花飯

無意中上網睇到椰菜花代替白飯黎當炒飯 , 令袁太心思思又想整埋一份 , 去街市買左兩個大椰菜花之後 , 就回家睇下廚房有冇咩材料可以配搭做材料 ......



係冰箱找到煙肉同青豆 , 係雪櫃普通格找到啡蘑菇及白蘑菇 , 又有洋蔥又有蔥 , 夠喇 , 絕對夠晒材料整個椰菜花飯 , 如果大家有食物處理器的話 , 可以將椰菜花放入攪碎 , 不過袁太家裡沒有 , 所以就用刀慢慢切 , 切到有咁細得咁細粒 , 真係切到手都差點抽筋 , 其實炒完出黎似唔似炒飯就真係見仁見智 , 可能袁太知道係用椰菜花當飯就覺得唔似 , 不過袁生係唔知的情況下 , 一睇真的以為係炒飯



椰菜花粒比較爽口 , 煙肉同蘑菇就夠香口 , 加點魚露調味 , 味道相當唔錯 , 炒左一大碟 , 兩個人都可以清得晒 , 都好飽肚呢 ^^



材料 : 椰菜花 , 青豆 , 洋蔥 , 煙肉 , 啡/白蘑菇 , 薑 , 乾蔥頭 , 胡椒粉 , 魚露 , 蔥, 蒜頭

洋蔥去衣切粒 , 煙肉切細片 , 啡/白蘑菇切粒 , 薑去皮磨成薑汁蓉 , 蔥切粒 , 蒜頭去衣拍扁 , 乾蔥頭去衣切片 , 椰菜花切碎(盡量有咁碎切咁碎^^) , 青豆用水沖一沖洗及瀝乾

將煙肉放入鑊中爆香先盛起 , 原鑊放入蒜頭 , 乾蔥片及洋蔥粒拌勻炒至洋蔥微軟 , 加入啡/白蘑菇及青豆拌勻用中火炒數分鐘

加入椰菜花碎拌一拌勻 , 再加入薑汁蓉及少許水拌勻 , 蓋上蓋用中火煮3分鐘至椰菜花軟身 , 將煙肉回鑊 , 加少許魚露及胡椒粉調味拌勻 , 最後加入蔥粒拌勻即可

材料 
椰菜花2個 , 青豆 , 洋蔥2個 , 煙肉2片 , 啡/白蘑菇 , 薑 , 乾蔥頭3粒 , 胡椒粉 , 魚露 , 蔥, 蒜頭1/2個



做法
1. 洋蔥去衣切粒 , 煙肉切細片

2. 啡/白蘑菇切粒 , 薑去皮磨成薑汁蓉 , 蔥切粒 , 蒜頭去衣拍扁 , 乾蔥頭去衣切片 

3. 椰菜花切碎(盡量有咁碎切咁碎^^) 

4. 青豆用水沖一沖洗及瀝乾

5. 將煙肉放入鑊中爆香先盛起 

6. 原鑊放入蒜頭 , 乾蔥片及洋蔥粒拌勻炒至洋蔥微軟 

7. 加入啡/白蘑菇及青豆拌勻用中火炒數分鐘 

8. 加入椰菜花碎拌一拌勻 , 再加入薑汁蓉及少許水拌勻 

9. 蓋上蓋用中火煮3分鐘至椰菜花軟身 

10. 將煙肉回鑊 , 加少許魚露及胡椒粉調味拌勻 , 最後加入蔥粒拌勻即可




用椰菜花代替米飯 , 好味道之餘又健康呢 ^^