黃金焗蠔砵

我家袁大爺袁生係一位愛蠔之人 , 無論廣島蠔 , 生蠔 , 桶蠔佢統統都愛 , 咁對於細細粒的蠔仔又點睇法呢 ??? 都係一樣愛 ... 愛 ... 愛 ......



不過蠔仔一般我只會用來整蠔仔餅 , 蠔仔粥或者蠔仔煎蛋 , 之不過今次我想用來整焗蛋蛋 , 其實只不過係效法砵仔焗魚腸的做法 , 只係將魚腸換成蠔仔 , 味道依然咁美味 , 最愛係加埋隔夜油條一齊焗 , 油條焗到脆卜卜 , 袁生都不知食得幾滋味呢 ^^



材料 : 蠔仔 , 蒜頭 , 隔夜油條 , 雞蛋 , 鹹蛋黃 , 鹹蛋白 , 雞粉 , 鹽 , 生粉 , 掃 , 保鮮紙 , 打蛋器 , 隔篩 , 砵仔 , 胡椒粉 , 薑 , 油 , 酒 , 水

蠔仔用生粉沖洗兩次 , 再用水沖一沖洗及瀝乾後放入大碗內 , 加入熱水煮3分鐘再瀝乾水份 , 薑去皮切絲 , 蒜頭去衣拍扁 , 鹹蛋黃切粒 , 油條切片

燒紅鑊 , 爆香薑絲及蒜頭 , 加入蠔仔 , 少許酒 , 雞粉及胡椒粉調味拌勻炒數分鐘 , 盛起蠔仔平均放入砵仔內 , 再加入鹹蛋黃

雞蛋打入大碗內 , 加入鹹蛋白 , 少許鹽及250ml水拌勻成蛋液 , 將蛋液用隔篩過篩入砵仔內 , 再放上油條 , 蓋上保鮮紙後放入電蒸鍋內蒸15分鐘 , 再焗5分鐘 , 期間焗爐用200C預熱10分鐘備用

 

蒸好的蠔砵取出 , 表面掃上一層油 , 放入焗盤內 , 焗盤加入熱水至砵仔的一半高度 , 放入焗爐用180C上下火焗15分鐘後轉上火150C焗多10分鐘 , 取出靜待10分鐘即可

材料
蠔仔1/2斤 , 蒜頭1個 , 隔夜油條1條 , 雞蛋5隻 , 鹹蛋黃2隻 , 鹹蛋白1隻 , 雞粉 , 鹽 , 生粉 , 掃 , 保鮮紙 , 打蛋器 , 隔篩 , 砵仔2個 , 胡椒粉 , 薑 , 油 , 酒 , 水250ml




做法
1. 蠔仔用生粉沖洗兩次 , 再用水沖一沖洗及瀝乾後放入大碗內 

2. 加入熱水煮3分鐘再瀝乾水份 

3. 薑去皮切絲 , 蒜頭去衣拍扁 , 鹹蛋黃切粒 , 油條切片

4. 燒紅鑊 , 爆香薑絲及蒜頭 , 加入蠔仔 , 少許酒 , 雞粉及胡椒粉調味拌勻炒數分鐘
 
5. 盛起蠔仔平均放入砵仔內 , 再加入鹹蛋黃

6. 雞蛋打入大碗內 , 加入鹹蛋白 , 少許鹽及250ml水拌勻成蛋液 

7. 將蛋液用隔篩過篩入砵仔內 , 再放上油條 

8. 蓋上保鮮紙後放入電蒸鍋內蒸15分鐘 , 再焗5分鐘 

9. 期間焗爐用200C預熱10分鐘備用 

10. 蒸好的蠔砵取出 , 表面掃上一層油 , 放入焗盤內 , 焗盤加入熱水至砵仔的一半高度

11. 放入焗爐用180C上下火焗15分鐘後轉上火150C焗多10分鐘 

12. 取出靜待10分鐘即可 




做法簡單又好味的焗蠔砵 , 對我來說最好味既唔係蠔仔 , 而係脆卜卜的油條呢 ^^