2018年1月8日 星期一

臘味飯 , 韓式蘿蔔牛肉清湯




上年秋風起的時候 , 當然又係開始食臘味的季節呢 , 何況呢幾日的天氣簡直凍到暈 , 凍到震 , 唔想落街買餸 , 只要係百寶箱拎幾條臘肉呀 , 潤腸臘腸出黎 , 就可以有碗暖笠笠又香噴噴的臘味飯做晚餐 ......



不過另一方面袁生見有臘味飯做晚餐 , 又話想配個湯消下滯 , 清一清臘味的油膩感喎 , 仲要指定要落肉煮既湯 , 真係麻鬼煩 , 突然醒起牛肉湯 , 印象中呢款牛肉湯曾經係某韓式餐廳的時候飲過一次 , 平時袁太係一個好喜歡食韓國菜的人 , 但可惜我家袁宜就剛剛相反 , 不過又唔可以話佢完全唔喜愛 , 只係每次袁太建議去食韓國菜或韓國燒烤的時候 , 佢第一時候就會檸晒頭 , 話好熱氣 , 又話食咁多肉好肥膩 , 令袁太每次都冇得去食 , 所以唯有在家炮製韓式食物 , 吊吊癮



韓式食物當中 , 除左泡菜 , 年糕呢類辛辣食物大愛之外 , 蘿蔔清湯亦係我最喜愛之一 , 簡簡單單用牛肉 , 白蘿蔔 , 京蔥同蒜蓉就煮得 , 雖然唔知個煮法正唔正宗 , 但勝在啱我口味同方便呢 ^^



材料 : 白蘿蔔 , 臘肉 , 豬潤腸 , 冬菇臘腸 , 肥嘟嘟臘腸 , 京蔥 , 蔥 , 牛肉 , 薑 , 胡椒粉 , 白米 , 糖 , 生粉 , 蒜頭




牛肉切粒放入大碗內 , 加入醃料拌勻靜待30分鐘 , 薑去皮切粒 , 蔥切粒 , 蒜頭去衣切粒 , 京蔥斜切片 , 白蘿蔔去皮切片












將臘肉 , 臘腸 , 潤腸沖一沖熱水備用 , 白米用水沖一沖洗及瀝乾 , 鑊中加入薑粒爆香 , 加入白米拌勻炒至乾身 , 放入電飯煲內加入適量水 , 放入臘肉 , 潤腸 , 臘腸 , 按製待煮熟



















煮飯期間將蒜粒 , 牛肉放入煲內爆香至肉轉色 , 加入適量水拌勻用中火煮滾 , 加入白蘿蔔拌勻再煮滾後 , 蓋上蓋轉慢火煮煲1小時 , 加入京蔥拌勻蓋上蓋繼續用慢火煲30分鐘 , 最後加少許鹽及胡椒粉調味拌勻再轉大火煮滾即可 , 臘味飯煮好後 , 將臘肉 , 潤腸及臘腸分別切片 , 飯拌勻即可






























材料
白蘿蔔1條 , 臘肉1條 , 豬潤腸 , 冬菇臘腸 , 肥嘟嘟臘腸 , 京蔥1條 , 蔥 , 牛肉$20 , 薑 , 胡椒粉 , 白米2杯 , 糖 , 生粉 , 蒜頭

醃料
麻油 , 生抽 , 胡椒粉 , 老抽 , 糖 , 生粉 , 水



做法
1. 牛肉切粒放入大碗內 , 加入醃料拌勻靜待30分鐘 

2. 薑去皮切粒 , 蔥切粒 , 蒜頭去衣切粒 

3. 京蔥斜切片 

4. 白蘿蔔去皮切片

5. 將臘肉 , 臘腸 , 潤腸沖一沖熱水備用 , 白米用水沖一沖洗及瀝乾 

6. 鑊中加入薑粒爆香 , 加入白米拌勻炒至乾身 

7. 放入電飯煲內加入適量水 , 放入臘肉 , 潤腸 , 臘腸 , 按製待煮熟 

8. 煮飯期間將蒜粒 , 牛肉放入煲內爆香至肉轉色 , 加入適量水拌勻用中火煮滾 

9. 加入白蘿蔔拌勻再煮滾後 , 蓋上蓋轉慢火煮煲1小時 

10. 加入京蔥拌勻蓋上蓋繼續用慢火煲30分鐘 

11. 最後加少許鹽及胡椒粉調味拌勻再轉大火煮滾即可 

12. 臘味飯煮好後 , 將臘肉 , 潤腸及臘腸分別切片 , 飯拌勻即可 




今次的晚餐食完覺得身體暖笠笠 , 而且感覺滿足同飽飽呢 ^^







16 則留言:

  1. 天氣咁凍真係最啱食臘味飯

    回覆刪除
  2. 臘味飯平時少食,反而想試下牛肉清湯

    回覆刪除
  3. 回覆
    1. 所以最近天氣凍,我都食左好多餐臘味飯呢

      刪除
  4. 隔住個mon都聞到香味呢......天氣凍真係岩晒!

    回覆刪除
    回覆
    1. 所以最近天氣凍到爆,我都煮左幾餐臘味飯喇

      刪除
  5. 哈哈, 我今晚都係整牛肉白蘿蔔, 不過用滷水方法, 等我下次試你個牛肉湯先, 好吸引呀!😍

    回覆刪除
    回覆
    1. 滷水牛肉白蘿蔔正喎,我都好想食呀

      刪除
  6. 臘味飯食完真係好暖身架,我都鐘意食呀

    回覆刪除
  7. 天氣凍最啱食臘味飯

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......