[2018賀年糕點] 椰汁年糕

話咁快明天就係年三十 , 袁太呢幾日都密密蒸 , 密密蒸糕糕 , 做到條腰都就快斷 , 今日先來為大家分享袁太2018年製作的第一糕~椰汁年糕~ ......



唔知椰汁年糕方面 , 大家喜愛紅色的年糕 , 還是白色的年糕呢 ??? , 我由細到大都係食紅色 , 因為兒時婆婆只整紅色 , 沒有白色的 , 不過我家麻煩友袁生唯獨只食白色 , 所以自從袁太接手整糕糕之後 , 年年都要整兩色年糕



其實分別只在於紅色係用片糖 , 白色係用冰糖姐 , 做法完全一樣 , 細個的時候喜愛切片沾蛋液煎至金黃 , 但人大了總感覺油淋淋 , 唔太健康 , 簡簡單單切片隔水蒸都一樣咁好味 , 煙煙Un Un , ~yummy yummy~ , 不過始終年糕對我們來說 , 都偏甜少少 , 所以今年只整了幾底迷你版年糕應節呢 ^^ 



材料 : 糯米粉 , 澄麵 , 片糖 , 冰糖 , 椰漿 , 紅棗(只作裝飾) , 水 , 油 , 蒸盆 , 隔篩 , 掃

首先整紅色版 , 將片糖放入煲內 , 加200ml水 , 用慢火慢慢煮至片糖溶掉後熄火 , 加入200g椰漿拌勻 , 糯米粉及澄麵放入大碗內 , 加入椰汁片糖水拌勻 , 用隔網隔去多餘粉粒(來回兩次) , 糕盆掃上少許油 , 將麵糊倒入至九分滿備用

再整白色版 , 將冰糖放入煲內 , 加入200ml水 , 用慢火慢慢煮至冰糖溶掉後熄火 , 加入200g椰漿拌勻 , 糯米粉及澄麵放入大碗內 , 加入椰汁冰糖水拌勻 , 用隔網隔去多餘粉粒(來回兩次) , 糕盆掃上少許油 , 將麵糊倒入至九分滿備用

將年糕分批放入電蒸鍋內 , 蓋上保鮮紙或耐熱蓋 , 蓋上蓋蒸45分鐘至熟透 , 取出放上紅棗裝飾即可

材料
糯米粉250g , 澄麵62g , 片糖1磚(250g) , 冰糖250g , 椰漿400ml , 紅棗(只作裝飾) , 水 , 油 , 蒸盆 , 隔篩 , 掃



做法(紅色年糕)
1. 將片糖放入煲內 , 加200ml水

2. 用慢火慢慢煮至片糖溶掉後熄火 , 加入200g椰漿拌勻 

3. 250g糯米粉及62g澄麵放入大碗內 , 加入椰汁片糖水拌勻 

4. 用隔網隔去多餘粉粒(來回兩次) , 糕盆掃上少許油 , 將麵糊倒入至九分滿備用



做法(白色年糕)
1. 將冰糖放入煲內 , 加入200ml水

2. 用慢火慢慢煮至冰糖溶掉後熄火 , 加入200g椰漿

3. 250g糯米粉及62g糯米粉及澄麵放入大碗內 , 加入椰汁冰糖水拌勻 

4. 用隔網隔去多餘粉粒(來回兩次) , 糕盆掃上少許油 , 將麵糊倒入至九分滿備用




年糕準備好就可以開始蒸

將年糕分批放入電蒸鍋內 , 蓋上保鮮紙或耐熱蓋 , 蓋上蓋蒸45分鐘至熟透 , 取出放上紅棗裝飾即可

無論煎或蒸都一樣滑滑美味的椰汁年糕 , 真係可以食到不停口呢 ^^