<美的全自動智能高速鍋MYSS50HK食譜> 椒鹽咖哩煎魚腩

有時五六點左右去街市 , 會開始陸續有一份份或特價太平賣的出現 , 經過魚檔見買兩份魚會再平d , 袁太當然唔執輸買兩份喇 , 媽咪話魚如果放隔夜 , 一定唔可以蒸 , 因為會腥 , 所以買魚回來個晚一份就用來蒸 , 放隔夜個份就留待煎或炆 ......



咁究竟煎還是炆好呢 ??? 前排好似經常炆魚 , 咁就不如煎魚吧 , 講開煎魚 , 唔知大家對於煎魚期間成間屋都充滿魚腥味有咩睇法呢 ??? 我屋企個件袁生都幾鐘意食魚架 , 但佢又唔鐘意成屋魚味 , 所以有時都幾煩惱 , 不過好彩有全自動智能高速鍋MYSS50HK幫手 , 將醃好的魚腩沾上地瓜粉 , 簡單放入高速鍋內按<煎炸>功能 , 時間調至每面煎5分鐘就完成



蓋上蓋由佢煎 , 每件魚腩都煎得金黃香脆 , 最大賣點係完全冇散發魚腥味 , 以後再烹調煎魚做晚餐都唔怕魚腥油煙味呢 ^^

材料 : 魚腩 , 薑 , 味椒鹽 , 咖哩粉 , 地瓜粉 , 酒 , 雞蛋 , 胡椒粉 , Midea4.8公升全自動智能高速鍋(MYSS50HK)

魚腩切件放入大碗內 , 先加入咖哩粉拌勻靜待10分鐘 , 期間將薑去皮蘑成薑汁 , 逐一將薑汁 , 酒 , 味椒鹽 , 胡椒粉 , 生抽 , 糖及雞蛋拌勻靜待30分鐘

醃好魚腩後將每件魚腩沾上薄薄一層地瓜粉 , 高速鍋的煲掃上油 , 放入魚腩 , 按菜單選擇<煎炸>功能 , 時間調至5分鐘 , 煎至一面金黃色後 , 反轉另一面 , 再按菜單選擇<煎炸>功能 , 時間同樣調至5分鐘 , 煎至兩面金黃色 , 上碟後灑上味椒鹽即可

材料
魚腩 , 薑 , 味椒鹽 , 咖哩粉2茶匙 , 地瓜粉 , 酒 , 雞蛋1隻 , 胡椒粉 , Midea4.8公升全自動智能高速鍋(MYSS50HK)



做法
1. 魚腩切件放入大碗內 , 先加入咖哩粉拌勻靜待10分鐘 

2. 期間將薑去皮蘑成薑汁 

3. 逐一將薑汁 , 酒 , 味椒鹽 , 胡椒粉 , 生抽 , 糖及雞蛋拌勻靜待30分鐘

4. 醃好魚腩後將每件魚腩沾上薄薄一層地瓜粉 

5. 高速鍋的煲掃上油 

6. 放入魚腩 , 按菜單選擇<煎炸>功能 , 時間調至5分鐘 

7. 煎至一面金黃色後 , 反轉另一面 , 再按菜單選擇<煎炸>功能 , 時間同樣調至5分鐘 

8. 煎至兩面金黃色 , 上碟後灑上味椒鹽即可




用咖哩粉醃魚腩 , 味道變得微辣 , 而且用上地瓜粉 , 香脆美味呢 ^^