<美的全自動智能高速鍋MYSS50HK食譜> 茶香豬軟骨拌麵

前排買左豬軟骨做存貨 , 決定用高速鍋煮 , 本來想配白蘿蔔炆 , 但街市白蘿蔔唔靚仔 , 買唔過 , 突然醒起家中還有紅茶葉 , 咁就不如用茶葉製作豬軟骨 , 香濃的茶香配上豬軟骨 , 相信應該會不錯吧 ......



決定用茶葉製作豬軟骨後 , 又要決定配飯還是配麵好 ??? 問袁生 , 袁生說有汁料應該配麵會好味d , 既然袁生話配麵 , 就配麵食喇 , 高速鍋俾用明火製作方便得多 , 方便在高速鍋完成唔駛睇火 , 按製由佢煮 , 炆煮期間自動排氣 , 時間又可以縮短一半 , 而且肉質嫩滑 , 絕對唔硬 , 唔鞋口 , 又夠入味 , 一個字~正~呢 ^^


 
材料 : 豬軟骨 , 薑 , 白芝麻 , 酒 , 紅茶 , 蔥 , 滷水料 , 奶油麵 , 粗鹽 , Midea4.8公升全自動智能高速鍋(MYSS50HK)

豬軟骨放入大碗內加入粗鹽及水浸過面靜待10分鐘 , 再用水沖洗乾淨放入鑊 , 加少許酒及水 , 蓋上蓋用中火將豬軟骨出水 , 出水的豬軟骨放入碗內用水沖一沖洗油份及瀝乾 , 蔥段洗淨用料理繩綁好 , 薑連皮切片

 

逐一將蔥段 , 薑片 , 豬軟骨 , 生抽200ml , 酒 , 紅茶 , 滷水料及冰糖放入高速鍋的煲內拌勻 , 按菜單選擇<炆煮>功能 , 再按開始 , 期間會自動排氣 , 用高速鍋製作時間只需30~40分鐘即成茶香豬軟骨 (如用明火 , 用中火煮滾後蓋上蓋轉用慢火炆1小時再熄火焗30分鐘)

麵條放入煲內加水 , 用中火拌勻煮至散 , 盛起放上碟 , 將煮豬軟骨的汁料隔出湯汁入煲內 , 加生粉水拌勻用慢火煮至杰身 , 豬軟骨放在麵上 , 再淋上汁及灑上白芝麻即可

材料  
豬軟骨 , 薑 , 白芝麻 , 酒100ml , 紅茶800ml , 蔥 , 滷水料 , 奶油麵 , 粗鹽 , Midea4.8公升全自動智能高速鍋(MYSS50HK)



做法
1. 豬軟骨放入大碗內加入粗鹽及水浸過面靜待10分鐘 

2. 再用水沖洗乾淨放入鑊 , 加少許酒及水 , 蓋上蓋用中火將豬軟骨出水

3. 出水的豬軟骨放入碗內用水沖一沖洗油份及瀝乾 

4. 蔥段洗淨用料理繩綁好 , 薑連皮切片

5. 逐一將蔥段 , 薑片 , 豬軟骨 , 生抽200ml , 酒 , 紅茶 , 滷水料及冰糖放入高速鍋的煲內拌勻

6. 按菜單選擇<炆煮>功能 , 再按開始 , 期間會自動排氣 

7. 用高速鍋製作時間只需30~40分鐘即成茶香豬軟骨
   (如用明火 , 用中火煮滾後蓋上蓋轉用慢火炆1小時再熄火焗30分鐘)

8. 麵條放入煲內加水 , 用中火拌勻煮至散 , 盛起放上碟 

9. 將煮豬軟骨的汁料隔出湯汁入煲內 , 加生粉水拌勻用慢火煮至杰身 

10. 豬軟骨放在麵上 , 再淋上汁及灑上白芝麻即可 




用高速鍋炆煮功能製作 , 肉質嫩滑唔鞋口 , 拌麵拌飯都好合適呢 ^^