2020年3月22日 星期日

七味椒鹽雞蛋豆腐




突然好想食椒鹽豆腐 , 喜歡椒鹽豆腐外脆內軟的口感 , 以往我會買包布豆腐整椒鹽豆腐 , 不過而家不會買了 , 大家有睇開袁太廚房的朋友仔們 , 應該估到袁太會用咩豆腐整喇 , 當然係自家製的雞蛋豆腐 ......



袁太閒時就好喜歡整雞蛋豆腐 , 自己整豆腐健康無添加 , 而且雞蛋豆腐變化多端 , 除左好似今次咁用作做椒鹽外 , 雞蛋豆腐仲可以用作做涼拌 , 用來煮湯咩都得 , 好方便 , 之但係自己整豆腐就一定要好小心 , 一定要好輕手 , 唔係豆腐就會爛晒 , 另外今次的椒鹽豆腐中的主要材料~炸蒜~ , 本應我係想自己用蒜頭炸 , 不過都係個句~懶~ , 同時又驚自己會炸到燶晒 , 所以都係保險d , 買現成炸蒜好



用AF代替油炸 , 每件豆腐都金金黃黃 , 呢款椒鹽豆腐用作做小食 , 拌粥食又得 , 當作一個小菜都得呢 ^^ 



材料 : 無糖豆漿 , 雞蛋 , 蔥 , 紅椒 , 鹽 , 生粉 , 七味粉 , 味椒鹽 , 胡椒粉 , 隔篩 , 炸蒜 , 錫紙盆 , 美的早餐機(MZ-DSY18A) , 美的炸鍋(MF20B)    




三隻雞蛋打入碗中 , 加入鹽及無糖豆漿拌勻 , 器皿放上保鮮紙 , 將豆漿蛋液用篩網隔去多餘泡沫及雜質 , 隔水蓋上蓋用大火先蒸2分鐘 , 再轉慢火蒸25分鐘 , 用筷子將鑊蓋留縫隙(可避免蒸來的豆腐過老或變火山口)




















期間將紅椒去籽切粒 , 蔥切粒 , 蒸好的雞蛋豆腐靜待10分鐘後切粒 , 放入碟內加入冰水浸過面10分鐘 , 再瀝乾水份 , 將豆腐粒沾上薄薄一層生粉 , 放入AF炸籃內180C 10分鐘 , 10分鐘後反轉另一面 , 同樣以180C 10分鐘至金黃色 (或放入鑊中以半煎方式 , 用筷子輕輕拌一拌勻豆腐粒以免黏埋一團 , 用慢火慢慢炸成金黃色) , 盛起備用



















將炸蒜粒及紅椒粒放入鑊中先用中火爆香 , 再加入蔥粒及胡椒粉調味拌勻 , 將豆腐回鑊 , 加少許味椒鹽快手拌勻 , 上碟時灑上七味粉即可















材料
無糖豆漿300ml , 雞蛋3隻 , 蔥 , 紅椒1條 , 鹽 , 生粉 , 七味粉 , 味椒鹽 , 胡椒粉 , 隔篩 , 炸蒜 , 錫紙盆 , 美的早餐機(MZ-DSY18A) , 美的炸鍋(MF20B)     



做法
1. 三隻雞蛋打入碗中 , 加入鹽及無糖豆漿拌勻 

2. 器皿放上保鮮紙 , 將豆漿蛋液用篩網隔去多餘泡沫及雜質 

3. 隔水蓋上蓋用大火先蒸2分鐘 , 再轉慢火蒸25分鐘 , 用筷子將鑊蓋留縫隙(可避免蒸來的豆腐過老或變火山口)

4. 期間將紅椒去籽切粒 , 蔥切粒 

5. 蒸好的雞蛋豆腐靜待10分鐘後切粒

6. 放入碟內加入冰水浸過面10分鐘 , 再瀝乾水份 

7. 將豆腐粒沾上薄薄一層生粉 , 放入AF炸籃內180C 10分鐘

8. 10分鐘後反轉另一面 , 同樣以180C 10分鐘至金黃色 
   (或放入鑊中以半煎方式 , 用筷子輕輕拌一拌勻豆腐粒以免黏埋一團 , 用慢火慢慢炸成金黃色) , 盛起備用

9. 將炸蒜粒及紅椒粒放入鑊中先用中火爆香 , 再加入蔥粒及胡椒粉調味拌勻 

10. 將豆腐回鑊 , 加少許味椒鹽快手拌勻 , 上碟時灑上七味粉即可




金金黃黃 , 外脆內軟滑的雞蛋豆腐 , 顏色靚靚 , 味道香噴噴 , 食到唔停口呢 ^^










2 則留言:

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......