南乳花生炆豬手

無意中經過街市見到豬手好靚,
何況最近天氣凍左咁多,
最好就整炆餸暖下個胃喇!
咁就即刻打俾老公問食唔食炆豬手,
老公就話"你炆得好唔好食架",
我話雖然未整過,但應該ok既,
咁就買左1磅豬手,一包南乳醬,幾蚊花生,
番到屋企就開始整喇!
整的過程一d都唔難,
而且仲好好味添!



~南乳花生炆豬手~食譜

材料 : 豬手-1磅 / 花生-$3 / 南乳-1磚 / 薑-3片

                      調味料 : 蠔油 , 鹽 - 少許 / 冰糖-1小粒

 

1.豬手放入滾水煮5分鐘,撈起洗淨後放入冰水30分鐘.
 
2.花生用水浸一會後,用滾水煮一煮,撈起,備用.
3.燒紅鑊,爆香薑片,加豬手炒香,贊少許紹酒.

4.再加入南乳炒香,待每隻豬手都沾有少少南乳醬後,加入花生及水(水的份量要蓋過豬手).
5.並放入調味料炆約1小時或至腍身即可.

 

蝦米粉絲豆腐卜煮椰菜

記得以前經常食媽咪煮呢個菜,
不過自從搬出黎住之後,
自己一次都冇煮過,
所以當我諗起呢個菜的時候真係好懷念,
今晚一於自己整,
雖然自己煮的菜一定冇媽咪煮得咁好,
不過味道好好,
老公都好滿意!





~蝦米粉絲豆腐卜煮椰菜~食譜

材料 : 椰菜-1個 / 豆腐卜-$4 / 蝦米-1湯匙 / 粉絲-半扎

                      調味料 : 生粉 , 糖 , 生抽 , 麻油 , 水 - 少許                   

 

 

1.蝦米洗淨浸水,蝦米水留用.
2.粉絲浸至軟身,豆腐卜用滾水煮一煮,切半備用.
3.椰菜洗淨切粗絲
4.燒紅鑊,爆香蝦米,再落椰菜炒至軟身(落椰菜後,加少少蝦米水會比較容易炒).
      
5.加少許鹽,雞粉調味,再落粉絲,豆腐卜煮一陣.
6.再加入調味料煮至收汁,即可.

得意牙刷座

係淘大的另外一樣收穫,
就係牙刷座喇!
我覺得好得意呀!何況都係$20/1個,好平呀!
所以就買左兩個番屋企(一男一女架),
大家係咪都覺得好得意呢?

新買啫啫橙(橙色)

又係經過淘大的另一收穫,啫啫橙!
$50/個,好似有5隻色,
不過老公話橙色靚d,sharp d,
咁就買左一個番屋企喇!好得意呀!

雙妹嚜洗髮水,沐浴露

今日經過淘大,
見到雙妹嚜做緊優惠,有洗髮水,護髮素同埋沐浴露,
優惠做緊$100/4支咋,
唔駛1分鐘,我已經掃左四支洗髮水同埋四支沐浴露喇!
超開心!