其實係特登煲俾老公飲架,
因為呢個湯煲出黎清清地
又甜甜地,再加幾粒無花果一齊煲,又清甜又潤喉
,最近天氣凍凍地,
煲下d滋潤的湯水就最好不過喇!
~蘋果雪梨無花果瘦肉湯~食譜
材料 : 
蘋果-2個 / 雪梨-2個 / 瘦肉-$10 / 無花果-4粒 / 南北杏-少許 / 蜜棗-2粒做法:
1.將蘋果,雪梨去皮去籽,切大件
,浸在清水中備用.2.將瘦肉清洗,飛水備用.
3.將無花果,南北杏,蜜棗略浸水,沖洗備用.
4.煲內放入適量的水,水滖後放入所有材料,用大火煲30分鐘,再轉慢火煲1 1/2小時,下少許鹽調味,即可
. 
晤落蜜棗可以嗎???想問落幾多水亞???2個人飲>>>
回覆刪除[版主回覆03/14/2012 22:30:57]晤落蜜棗應該可以,不過多數都會落,因為甜d潤d,其實我都係兩個人飲,但冇話落幾個水架,我個煲幾大我就落八分滿由佢煲囉!
系晤系再慢火褒1個鐘或者2個鐘???
回覆刪除[版主回覆03/14/2012 22:31:03]用大火煲30分鐘後,先轉慢火煲個半鍾!
我念住驚雪梨無花果本身甜，再加蜜棗會唔會好甜??
回覆刪除[版主回覆03/14/2012 23:47:54]唔會好甜架,因為另外加左肉一齊煲,其實呢個湯加埋雪耳都唔錯!