猴頭菇花旗蔘瘦肉雞湯

聽人講如果食煙多飲花旗蔘湯會幾好喎,所以...

平時袁生食煙多就係人都知
其實要叫一個食煙的人戎煙係咪一件好難既事黎呢?
袁太已經同袁生講過
叫佢唔好食咁多煙,我知有時工作壓力大以食煙係好正常
但都可以盡量食少d
何況我地一直諗住生小朋友
食煙多都對大家唔好喇
不過經過我一番道理後
袁生已經開始食少左
所以今次就選擇煲花旗蔘湯俾袁生飲
因為之前係街市聽到人講話如果成日夜訓,食煙多,可以煲花旗蔘湯飲下
雖然袁太唔知有咩好處
但得閒煲下都幾好架
不過花旗蔘個味道我由細到大都唔太鍾意
所以都係偶然煲一次好喇!

~咸菜胡椒桂花魚湯~


材料:
新鮮雞(去皮)-半隻/猴頭菇-3個/花旗蔘,麥多,玉竹-適量/瘦肉-$10/蜜棗-2粒

做法:

<1>瘦肉飛水後切件,猴頭菇用水浸15分鐘,擠乾水份備用.
<2>
煲內放入適量的水,滾後加入所有材料用大火煲30分鐘.
<3>
再轉慢火煲約2小時,下少許鹽調味即可.