上次袁生俾袁太話事整貝類粉之後,
今次袁生要求食螺絲粉,咁就整螺絲粉喇!
不過今次唔用雞扒,轉整蕃茄意式肉丸,
我覺得呢個肉丸幾好食,可能因為加左少少芝士的關係掛,
最重要係袁生鐘意,話咁快同我清晒喇!
~蕃茄意式肉丸螺絲粉~食譜
1.豬肉碎同牛肉碎拌勻後,加入少許黑椒,鹽,生粉,水拌好,然後做成肉丸.
2.焗爐用180C將肉丸焗至表面微熱,備用.
3.將蕃茄切成蓉,燒紅鑊,爆香洋蔥,加入肉丸煎至表面微微金黃,取出.
4.加入蕃茄蓉,茄汁,少許鹽,糖煮成蕃茄醬後,再灑上少許芝士碎,將肉丸撈起,備用.
5.鑊中加入馬鈴薯磨菇湯及水,待滾後加入青豆,螺絲粉兜勻,待螺絲粉吸收了湯汁後上碟,將肉丸放上螺絲粉
面,即可.
沒有留言:
張貼留言