又到煲湯時間喇!今日選擇煲一個清熱潤肺的湯水,
因為見袁生平時食煙食咁多,
所以袁太一得閒就會煲多d湯水俾袁生飲,
不過之前同媽咪傾開電話的時候,
媽咪話最好一個星期煲兩次湯就夠,
唔好煲咁多喎!
不過我又未聽過,唔知係唔係既呢?
講番個湯先,今日用左蘋果黎煲湯,
因為平時袁生都鐘意食蘋果,
不過唔知用黎煲湯,袁生鐘唔鐘意呢?
~蘋果佛手瓜排骨湯~食譜
材料 : 蘋果-2個 / 佛手瓜-2個 / 紅蘿蔔-1條 / 排骨-$25 / 蜜棗-2粒
做法:
1.排骨飛水,備用.做法:
2.蘋果去皮切件,佛手瓜,紅蘿蔔切件.
3.煲內放入適量的水,開大火,待水滾後,放入蜜棗,排骨略煲一陣.
4.加入紅蘿蔔,蘋果,佛手瓜用大火煲半小時後,再轉慢火煲約2小時,下少許鹽調味,即可.
沒有留言:
張貼留言