黑椒焗豬寸骨拌玉桂蘋果片

係街市頭痛緊買咩餸的時候,
係急凍鋪見到有豬寸骨賣,
價錢又唔貴,
就買左一包,但好似未整過喎!
咁不如簡簡單單用黑椒焗!
見屋企有蘋果!
咁不如用蘋果整個拌碟喇!
亦都係用簡單的方法,
用玉桂粉黎焗蘋果片,
我覺得好味!
但袁生就唔鐘意......




~黑椒焗豬寸骨拌玉桂蘋果片~食譜

材料(黑椒焗豬寸骨) : 豬寸骨-5條 / 黑椒粒-適量

                      材料(玉桂蘋果片) : 蘋果-1個 / 玉桂粉-適量
                      醃料(豬寸骨) : 生抽 , 老抽 , 麻油 , 酒 , 黑椒粒 - 少許

(黑椒焗豬寸骨)

1.豬寸骨解凍洗淨,瀝乾水份,備用.
 
2.焗爐以220C預熱10分鐘.
 
3.豬寸骨加入醃料醃30分鐘.
4.焗盤放上錫紙後,將豬寸骨放在錫紙上,以220C焗20分鐘,即可.

(玉桂蘋果片)

1.焗爐以200C預熱10分鐘.

 
2.蘋果洗淨切片後,加入少許玉桂粉,砂糖拌勻.
3.焗盤放上錫紙後,將蘋果片放在錫紙上,以200C焗10分鐘,即可.