又係煲湯的時間喇!
今日選擇左煲粉葛湯,點解?唔知呀!
見好耐冇煲過掛,又或者費事成日俾老公話煲黎煲去都係個幾款湯,
不過用粉葛煲湯,
煲出黎煲湯好似涼涼地,甘甘地咁!
唔緊要喇!
橫掂最近天氣咁熱喇!
煲呢個湯都唔錯架!
~粉葛赤小豆扁豆瘦肉湯~食譜
材料 : 粉葛-1個 / 紅蘿蔔-1條 / 粟米-1條 / 蜜棗-2粒 / 赤小豆 , 扁豆 - 適量 / 瘦肉-$10
做法:
1.粉葛,紅蘿蔔切件,將瘦肉飛水,撈起,切件,備用.2.煲內放入適量的水,開大火,待水滾後,放入蜜棗,赤小豆,扁豆,瘦肉,粟米煲30分鐘.
3.再加入紅蘿蔔,粉葛用大火煲30分鐘後,再轉慢火煲1 1/2小時,下少許鹽調味,即可.
.粉葛系晤系買大約就得,因為我見好大一條窩????赤小豆,扁豆系晤系系雜貨店買,買幾多????
回覆刪除[版主回覆05/09/2012 16:59:31]係街市可以買一半,叫賣菜姐姐同你去埋皮,如果同菜檔既人熟既話,仲可以叫佢幫你切埋一舊舊添!係架,赤小豆,扁豆係雜貨店買,我屋企附近個間買赤小豆,扁豆最小合共$3!
我真失敗,連赤小豆,扁豆系咩樣都晤識@@暈
回覆刪除[版主回覆05/09/2012 17:00:12]慢慢黎喇!
我見你好多湯都落粟米紅蘿蔔????
回覆刪除[版主回覆05/09/2012 23:42:37]因為粟米紅蘿蔔同好多材料都好夾,所以好多湯都會用粟米紅蘿蔔煲!