青紅蘿蔔栗子雞腳瘦肉湯

今日諗住煲椰子湯架!
不過袁生話驚好甜,唔飲喎!
仲叫袁太不如煲番栗子湯喎!
算喇!難得袁生開到聲,唔通唔煲咩!
不過袁太就另外再加幾隻雞腳一齊煲,
一碗熱辣辣又好味的湯咁就攪掂喇!



~青紅蘿蔔栗子雞腳瘦肉湯~食譜

材料 : 紅蘿蔔-1條 / 青蘿蔔-1條 / 栗子-16粒 / 雞腳-4隻 / 栗米-1條 / 無花果-1粒 / 果皮-1塊 /
                               瘦肉-$10 / 蜜棗-2粒 / 南北行-少許


 做法:                                

 1.無花果,果皮用水浸30分鐘後,無花果一開二切,果皮刮去瓤,備用.

 2.栗子用熱水浸30分鐘,去皮,備用.

 3.雞腳剪去腳甲後出水,放入凍水30分鐘.
 4.紅蘿蔔,青蘿蔔切件,將瘦肉飛水,撈起,備用.
 5.煲內放入適量的水,待滾後,放入蜜棗,南北行,無花果,果皮,粟米,瘦肉,栗子用大火煲30分鐘.
 6.再加入紅蘿蔔,青蘿蔔煲15分鐘後,再轉慢火煲30分鐘,再落雞腳煲30分鐘,下少許鹽調味,即可.