因為天文台次次都掛3號就落波,
今朝起身開電視睇,
知道掛8號之後,幾開心!
因為袁太本身由明天至下星期一都放假,
咁而家加多左一日假,
咁袁太咪連放五日,實在太"正"喇!
不過係8號風球的情況下,
袁生袁太起身後,冇再訓覺,
就落左樓下食早餐,
然後袁生仲陪袁太買餸添!
係街市行番屋企路程,
袁生一路拖住袁太隻手,
話驚袁太會俾風吹走喎!
都唔知袁生幾時變得咁細心...
今日難得放假係屋企,
仲可以叫袁生幫手執下間屋,
最緊要今日有時間俾我upload埋d食譜,
真係好耐冇試咁優閒的一日!
繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......
好SWEET...
回覆刪除[版主回覆09/30/2011 23:39:27]係呀!我都估唔到袁生會咁細心...