蘿蔔絲鮮蝦墨魚餅

墨魚滑最近變左袁生袁太的至愛,
之前見吉吉島有95折,

就走入去買左包墨魚滑今晚做晚餐,
但點整好呢?
離不開都係用煎的方法,
但如果就咁煎又好似好dry喎!
袁太突然醒起雪櫃好似仲有半條蘿蔔,
咁去街市買少少新鮮蝦,
拌勻一齊攞去煎,
咁就完成左一個又簡單又好味的餸喇!
真係好好食架!




~蘿蔔絲蝦墨魚餅~食譜

材料 : 墨魚滑-1包 / 蘿蔔-半條 / 新鮮蝦-10隻

 
1.新鮮蝦去殼去腸洗淨後切粒.

2.蘿蔔切絲或刨絲後下少許鹽略醃.

3.墨魚滑下少許雞粉略醃一陣後,加入蝦粒,蘿蔔絲攪勻.

4.燒紅鑊,用匙羹將材料放入油鑊,用慢火煎至微黃後,反轉墨魚餅,用鑊鏟輕輕壓成餅形至兩面煎至金黃色,
   即可.