無端端打俾袁太落order話今晚要食珊瑚蚌喎!
袁太覺得好意外,
平時袁生點會諗晚餐的餸架,
袁太真係有時點知袁生究竟係度諗咩,
不過難得袁生叫到,
袁太梗係照做,起碼可以諗少一樣餸先,
不過平時珊瑚蚌袁太只用黎打邊爐,
煮餸好似未曾試過喎!
但用咩黎炒好呢
見雪櫃仲有半包蝦仁,
咁去街市買少少西芹,
兜埋一碟,咁就攪掂喇!
唔知袁生鍾唔鍾意呢個做法呢?
~西芹蝦仁炒珊瑚蚌~食譜
材料 : 西芹-1棵 / 蝦仁-10隻 / 珊瑚蚌-半斤
醃料 : 鹽 , 麻油 , 胡椒粉 - 少許獻汁 : 生粉 , 糖 , 生抽 , 麻油 , 水 - 少許
2.蝦仁去腸,用生粉洗淨沖洗3次後,抹乾後加入醃料醃30分鐘.
3.珊瑚蚌解凍洗淨備用.
.
4.鑊中注入水,落少許鹽,油將西芹灼熟,撈起.
5.燒紅鑊,將蝦仁,珊瑚蚌炒香後,加入西芹一同兜勻.
6.注入獻汁煮至滾後,即可.
珊瑚蚌我未食過架﹐係咪好似日本果D赤貝(AKAGAI)咁既呢?~
回覆刪除[版主回覆10/20/2011 16:46:44]好似唔同架!
珊瑚蚌好貴...唔捨得買...
回覆刪除[版主回覆10/20/2011 16:48:54]係呀!珊瑚蚌真係幾貴,買約半斤都成四十幾蚊,不過袁生鍾意食,幾貴都要買喇!其實西芹我都唔係咁好,之唔係咪又係袁生鍾意囉!
[MR.MOON回覆10/20/2011 10:11:14]還有我同蝦子餅都唔鍾意食西芹...