上次煲青紅蘿蔔湯的時候,
仲剩左少少栗子肉,
所以諗住煲湯用埋佢,
但咩湯可以用栗子煲呢
袁太醒起袁生至鍾意飲蓮藕湯,
咁就一於煲
蓮藕湯喇!煲蓮藕湯都係用鱆魚綠豆煲,
不過今次就加埋栗子,排骨一齊煲,
味道好濃郁
,袁生唔駛講,梗係鍾意到飛起喇!
仲飲左
兩碗咁多,袁太煲過咁多湯,
蓮藕湯係袁生唯一一個湯水係會飲咁多,
不過綠豆始終都係涼的,
偶然
煲一次已經夠喇!
~蓮藕鱆魚綠豆栗子排骨湯~食譜
材料 : 蓮藕-1條 / 鱆魚-1塊 / 紅蘿蔔-1條 / 綠豆-適量 / 栗子-8粒 / 排骨-$20 / 蜜棗-2粒
做法:
飛水,綠豆,鱆魚浸水,備用.
2.蓮藕:
,紅蘿蔔
去皮切件
.
3.煲內放入適量的水,凍水落蜜棗.
4.待滾後,加入綠豆,鱆魚,栗子,排骨用大火煲30分鐘,再加入蓮藕,紅蘿蔔煲30分鐘.
5.轉慢火煲0分鐘後加雪耳,再用慢火煲30分鐘,下少許鹽調味,即可
.
,紅蘿蔔去皮切件.3.煲內放入適量的水,凍水落蜜棗.
4.待滾後,加入綠豆,鱆魚,栗子,排骨用大火煲30分鐘,再加入蓮藕,紅蘿蔔煲30分鐘.
5.轉慢火煲0分鐘後加雪耳,再用慢火煲30分鐘,下少許鹽調味,即可
.
你用排骨煲湯...會唔會煲完出黎好多碎骨呀...應該點做可以減少碎骨呢???我煲親湯用排骨都有碎骨...俾人投訴...
回覆刪除[版主回覆10/04/2011 19:23:52]我都係一家三口,不過係袁生袁太加隻狗,哈...
[MR.MOON回覆10/04/2011 08:46:48]我們一家三口...差唔多啦...
[版主回覆10/03/2011 22:30:58]$40???如果俾我同袁生就一定食唔晒囉!
[MR.MOON回覆10/03/2011 22:29:35]我見你個D排骨同我買個D個款一樣...所以睇下你有冇咁既情況囉...我要買$40...兩個食肉獸...可能豬肉佬真係斬得細舊...下次試下大舊睇睇會唔會好D...
[版主回覆10/03/2011 22:24:03]唔會呀!煲完出黎冇碎骨喎!我買排骨會係豬肉檔買,我會話"我買排骨,用黎煲湯既,要腍身d既,因為煲完出黎想食番,咁通常會問你賣幾多錢到,我就會話我得兩個人,唔駛咁多,$20到就夠喇!佢會同你斬開一舊舊(每一舊都幾大架!)我次次番到屋企出水之後,就放落煲湯到一直煲都冇事呀!係咪你買的時候,佢幫你斬到碎濕濕呀?或者你下次買完你叫佢幫你斬大舊d!