粉葛綠豆薏米瘦肉湯

今日又黎煲粉葛湯,
不過今次就唔係用赤小豆煲,
而用綠豆薏米煲,
其實呢種煲法係袁太上網的時候,
無意中search到既,
因為好多人都話如果有肩頸背痛的話,
煲呢個湯可以去骨火喎,
唉...袁太成日唔係呢到痛就個度痛,
同埋有心情平靜的功效,
袁生成日都咁好火,
橫掂都未諗到煲咩湯,
一於煲黎飲下,
我諗呢個湯應該啱袁生袁太飲!



~粉葛綠豆薏米瘦肉湯~食譜

材料 : 粉葛-1個 / 紅蘿蔔-半條 / 綠豆,薏米-適量 / 瘦肉-$10 / 蜜棗-2粒

做法:

1.綠豆,薏米浸水30分鐘.

2.瘦肉出水備用.
3.粉葛,紅蘿蔔去皮切件,備用.

4.煲內放入適量的水,滾後放入蜜棗,綠豆,薏米,瘦肉用大火煲30分鐘.
5.再加入粉葛,紅蘿蔔用大火煲30分鐘後,再轉慢火煲1小時,下少許鹽調味,即可.